په خوږیاڼوولسوالۍ کې دقرآنکریم دنزول مقاصد ترسرلیک لاندې کنفرانس ترسره شو

راپور: ننګرهاراصلاح رسنیزګروپ

دروان ۱۳۹۲ هـ ش کال دسرطان دمیاشتې په ۳۰ مه دمبارکې روژې په ۱۲ مه دیکشنبې په ورځ دننګرهار ولایت خوږیاڼو ولسوالۍ کږې بازار په جامع مسجد کې (دقران کریم دنزول مقاصد) ترسرلیک لاندې کنفرانس ترسره شو. په نوموړې غونډه کې ۵۰۰۰ زرو په شااو خواکې دخوږیاڼو ولسوالۍ دبېلابېلوسیمو دیني علماؤ،قومي مشرانو، دارالمعالمین استادانو،دلېسواو ښوونځیوښوونکو اوبا احساسه ځوانانو ګډون کړی ؤ.غونډه دماسپښین یوه نیمه بجه په داسې حال کې چې دویاندويي چارې يي په ختیځ زون کې جمعیت اصلاح د دعوت او ارشاد مسؤل استاد محمدګلاب توحیدیار پرمخ وړلې دقاري صاحب حنیف الرحمان لخوادقرآنکریم دڅومبارکو ایاتونو په تلاوت پیل شوه.دغونډې پرانیستونکي وینا په خوږیاڼوکې دجمعیت اصلاح مسؤل استاد ذاکرالله حازم واوروله نوموړي ټولوګډونوالوته دښه راغلاست ویلو ترڅنګ له هغوی مننه وکړه چې دقرآنکریم سره دمینې په تړاو په سخته ګرمۍ کې راغلي دي اودقرآنکریم له موخې ځانونه خبروي.

قرآنکریم دژوندقانون:
جمعیت اصلاح دمرکزي شورا غړي اودننګرهار پوهنتون استاد پوهندوی مولوي صاحب محمدشریف رحماني دقرآن عظیم الشان په پېژندنه،نزول او مقاصدو تفصیلي وینا وکړه رحماني صیب زیاته کړه قرآنکریم دټولو ملتونو دلارښوونې لپاره رالیږل شویدی دعقایدو اصلاح کوي،کورنی نظام پیاوړی کوي، دولسونو د رهبرۍ او لارښوونې ځواک لري،بشري حقوق غښتلي کوي،مولوي صاحب نوموړې موخې له اوسنې وخت سره پرتله کړې په سیکولراو بې دینه خلکو،ډلواوتنظیمونو يي سختې نیوکې وکړې اودهغوی شرمونکې اعمال یي وغندل او مسلمانان په ځانګړي ډول افغانان يي وحدت او یووالي ته روبلل دمولوې صیب دخبروپه اوږدوکې دغونډې له هرې برخې نه دتکبیر انګازې پورته کېدې او خپل احساسات یي ښکاره کول.

دخوږیاڼو ولسوالۍ کږې بازار دجامع مسجد خطیب مولوي صاحب نورالله هم غونډې ته دویناپه ترڅ کې دخپلې خوښۍ څرګندونه وکړه چې له توقع پورته په ګڼ تعداد کې خلکو ګدون کړی دمسلمانانو په وحدت یی ټينګار وکړدجمعیت اصلاح څخه يي مننه وکړه چې موقع په موقع داسې ګټورې غونډې جوړوي.

ستردیني،دعوتي اوفرهنګي مرکزدجوړیدو په حال کې :
جمعیت اصلاح دختیځ زون مسؤل استاد عبدالرحیم صراف هم دغونډې له ټولو ګډونوالو په ځانګړي ډول له دیني علماؤ او قومي مشرانو څخه دزړه له کومې مننه وکړه چې په ډېره مینه زمونږ په دیني غونډو کې برخه اخلي، استاد دخپلوخبرو په اوږدو کې وویل مونږ دخپل ولس یوه برخه یوو زمو نږ هڅه داده چې خپلوخلکو ته داسلام دمبارک دین اساسا ت وروپیژنو او دهمدې اساساتو پربنسټ دخپل هېواد په مادي او معنوي جوړښت او رغونه کې فعاله ونډه اخلو استاد خلکو ته زیری ورکړ چې په نژدې راتلونکې کې به ان شاءالله دکابل په ښارکې جمعیت اصلاح افغانستان یو ستردیني،دعوتي اوفرهنګي مرکز همداستاسو په مالي امکاناتو جوړوي چې هغه به ددیني فتواګانو،دمدارسو د تنظیم،اوداسلامي رسنیو ځانګړی مرکزوي په دې اړه يي له خلکو څخه دمالي همکارۍ غوښتنه وکړه اوخلکو هم دمرستو وعدې کړې ،غونډه دمولوي صاحب محمدهاشم لخو ددعاپه لوستلو پای ته ورسیده