راپور: حبیب الله زیار
هغه غونډه چې له همدې امله د جمعیت اصلاح په سیميیز دفتر کې جوړه شوې وه د قاري صاحب محمد وارث حیدر له لورې د کلام الله مجید د څو مبارکوآیاتونو په تلاوت سره پیل شوه.
له تلاوت وروسته د جمعیت اصلاح افغانستان د ختیز زون مسؤل استاد عبدالرحیم صراف ته د پیلیزې وینا لپاره بلنه ورکړل شوه، استاد صراف وویل: جمعیت اصلاح افغانستان د خپلو دعوتي او تربیتي کارونو تر څنګ په هېواد کې ډیری نور ټولنیز کارونه هم ترسره کوي چې د کوچنۍ صدقه ستر اجر کمپاین یې یوه ښه بېلګه ده. دغه کمپاین هر کال د جمعیت اصلاح د رضاکارانو په مټ په لاره اچول کېږي تر څو د شتمنو هېوادوالو څخه صدقات او خیراتونه راټول اوبیا یې د یومنظم پلان له لارې اړو بیوزله کورنیو ته ورسوي. استاد صراف زیاته کړه: ددې کمپاین دوه اساسي موخې دي، اول دا چې په شتمونو هېوادوالو کې د صدقې او خیرات ورکولو احساس پیدا کول او دوهم دا چې د هغو بیوزله هېوادوالو سره مرسته چې د روژې پدې مبارکه میاشت کې د روژه ماتې لپاره هېڅ هم نلري. جمعیت اصلاح دغه مرستې په څو لارو راټولې کړي او هغه دا چې مونږ په ۱۳ لویو جامع مسجدونو کې دجمعې په ورځ چنده وکړه، د درې ورځو لپاره مو د سهار له شپږ بجو څخه د ماښام تر اووه بجو پورې د جلال آباد ښار د شهید آدم خان (تالاشۍ) او مخابراتو په څلورلارو کې د مرستې راټولولوکمپونه ولګول او د ځینو شتمنو هېوادوالو سره مو ځانګړې لیدنې وکړې چې د هغوۍ مرستې هم د یادونې وړ دي. استاد صراف د جمعیت اصلاح له ټولو غړو او په ځانګړې ډول د ننګرهار اسلامي پوهنتون استاد انجینر زیارت ګل راحل څخه مننه وکړه چې د مرستو په راټولولو کې یې ډېرې هڅې کړي.
د غونډې بل ویناوال د ننګرهار ولایت مرستیال محمد حنیف ګردیوال ؤ، ګردیوال صیب وویل: لکه څرنګه چې ټولو هېوادوالو ته معلومه ده، د جمعیت اصلاح ټولې هڅې د اسلام د مقدس دین پر بنسټ ولاړې او خپل هېواد د هراړخیزې ابادۍ او پرمختګ لپاره مخلتفې برنامې لري د مثال په ډول په تعلیمې ډګر کې یې دارالمعلمینونه او لېسې په لوړ کیفیت او ښه معیار لري، په دعوتې ډګر کې یې د قرآن پوهنې او سیرت دورې دي چې په لسګونو زره هېوادوال په مینه او جذبه ګډون کوي. او د ټولنیزو خدماتو هڅې همدا اوس تاسو په خپلو سترګو ګورۍ. د یوې غریبې کورنۍ سره چې نن د جمعیت اصلاح په هڅو کومه مرسته کېږې یقینا دا د ستایلو ده او کومې کورنۍ چې تاسې ټاکلې په یقیني ډول سره بیوزله دي.
د غونډې وروستی ویناوال د جمعیت اصلاح مرکزي شورا غړی او د سلام پوهنتون استاد محمد نعیم جلیلي ؤ، استاد جلیلي د خپلو خبرو په ترڅ کې وویل چې، جمعیت اصلاح تل هڅه کوي چې د خپلو هېوادوالو سره د ژوند په مختلفو اړخونو کې خپلې مرستې وکړي. جمعیت اصلاح به تل د خپلو تربیتي او دعوتې برنامو تر څنګ دغه ډول ټولنیزو پروګرامونو ته پاملرنه کوي. استاد له ټولو هغو شتمنو هېوادوالو مننه وکړه چې په کمپاین کې مرستې کړي او د جمعیت اصلاح له هغو رضاکارانو څخه یې په ځانګړې ډول مننه وکړه چې د خپلو هېوادوالو سره د مرستې او خدمت په موخه یې د روژې پدې سخته ګرمۍ کې هڅې او کوښښونه وکړه.
له ویناوو وروسته د خوراکي توکو د ویشلو لړۍ رسما پیل شوه چې پکې ۳۲۸ بیوزله کورنیو ته اته قلمه خوراکي توکي (اوړه، غوړي، بوره، وریجې، لوبیا، چای، خرما او روح افزا شربت) په منظم ډول وویشل شوه.
د یادولو وړ ده چی تېر کال هم د کوچنۍ صدقې او ستر اجر تر سرلیک لاندې له ډېرو هېوادوالو سره مرسته شوې وه.
9 Comments
حامد
کور مو ودان الله ج، دې د خپلو غریبو هیوادوالو دخدمت نور وس هم درکړی
خپل ولس، خپل غریب، خپل مالدار خپله جمعیت اصلاح
خدای مو دې له پردیو ا و دهغوی له پیسو وساتی
halim
Allah Akber wa lillah el hamd
افضلي
بارك الله فيكم
جاویداحمد شینوار یوتان داصلاح غږ راډیوکارکوونکی
جمعیت اصلاح په افعانستان کی نه تنهه یوازی اویوزی کوم کومکونه دبیوازالو کورنیو سره کړی بلکی که دارته ووایم چی همدا غه جمعیت اصلاح واه چی یوشمیر ځواننی دبدی لری نه راوحصوله اوخی لری ته ییی موخه کړه اودسلام ځوانان یی په دین یی والړه کړه واسلم اولله دی جمعت اصلاح کارکونکوته خیر اوبرکات وارکړی
نعمان
جزاکم الله خیرا، یقینا چې جمعیت اصلاح په افغانستان کې ډیرې په زړه پورې برنامې په مخ وړي. نه یواځې دا چه په معنوي لحاظ، د خپلو هیوادوالو لپاره مختلف تربیتي او دعوتي پروګرامونه جوړوي. په ټولنیز ډګر کې هم ددې ملت په هره وړه او لویه ستونزه کې ولاړ او مرستې یې کړي. زه خو حیران هغو بې دینه سیکولرستانو ته یم چې د یوې روپۍ خیر یې دې ملت ته نه دې رسیدلې خو په خبرو او ویناو چې شي چاته سر نه ټیټوي. دوی خو دې د جمعیت اصلاح په څیر د یو ټولنیز کار بیلګه وړاندې کړي؟؟؟
عبدالفتاح جواد
د بشریت خدمت د الله(ج) عبادت دی، ستاسې دغه هڅې ان شاء الله د رمضان په مبارکه میاشت کې ډیر ستر اجر او ثواب لري.
تاسې ثابته کړه چې د ملت اصلي خواخوږي او خادمان تاسې یاست او دا نو ټولو هیوادونو کې څرګنده شوې ده چې د اسلامي خوځښت بچیان د ولس خدمت کوي نه هغوی چې تش شعارونه ورکوي خو عمل کې هیڅ هم نه کوي!
صاحبزاده صافی
الله تعالی مو دا ستر عمل قبول کړه
مخکینی ورور د سیکولر خلکو یادونه کړی ده، زه مو یوی بلی ډرامی ته متوجه کوم
دا میلمانه!!!!! چی راغلی زمونږ غوږونه یی د مدنی ټولنی د فعالیدو په نامه وخوړل، خو زما سره سوال دا دی چی به افغانستان کی خو که به ريښتینی ډول د مدنی ټولنی ممثل او نماینده غواړو ، هغه خو جمعیت اصلاح کیدی شی ځکه چی واقعا به داوطلب شکل به ولس کی کار کوی، دوی خو (ان جیبو ګانو) ته مدنی ټولنه وایی چی تول کار یی د جیبونو ډکول دی او که نن یی د بروبوزل او سی وی ګانو بازار سوړ شو نه به انجیبو وی او نه اوټ جیبو او د میلمنو!!! نه به یی انشا الله د میلمنو وطن ته برواز مخکی وی
اوس نو تاسی ووایی چی سمه وایم که غلطه
جاویداحمد شینوار یوتان داصلاح غږ راډیوکارکوونکی
اصلاح دی تله اباده اوسره ولړی دی وی
جاویداحمد شینوار یوتان داصلاح غږ راډیوکارکوونکی
اصلاح راډیو تله اباده وی