د ننګرهار په هسکه مینه کی دقرآن پوهنی شپږورځینۍ اجتماع ترسره شوه

راپور:عبدالله نصرت
دروداتو ولسوالی دجمعیت اصلاح ساحوی دفتر دخپل دعوتی پلان سره سم دثوردمیاشتی په اتمه نیټه دهسکی مینی ولسوالۍ دشپولی ددرس کلي په جامع جومات کی دقرآن پوهنی شپږورځنۍ اجتماع پیل کړه دنوموړي اجتماع مدرس محترم شیخ القرآن مولوي عبدالصبوروو.اجتماع هره ورځ مازدیګر3:30بجی شروع کیده اومازدیګرپنځه بجی پای ته رسیده چی جریان یی په لاندی دول سره وو.

لومړۍ ورځ:
دلومړۍ ورځی موضوع دامت یووالی ووددرس په شروع کی محترم قاری صاحب شفیق الله دقرانکریم یوڅو ایاتونه تلاوت کړل دتلاوت څخه وروسته محترم عتیق الله ثاقب داخلاص نیت ترعنوان لاندی درس حدیث وړاندی کړی وربسی محترم شیخ القران په ټاکل شوی موضوع باندی تفصیلی بیان وکړاو دخپلوخبرو په جریان کی محترم شیخ القران وویل ورونودقران عظیم الشان دفهم قران دا دوری ډیری مبارکی دی اوپه ټول افغانستان کی یی لویه اسلامي بیداري پیداکړی ده اسلام ته توجه الله ته رجوع او دمسلمانو ترمنځ وحدت اویووالی او اتفاق او مسلمانانو ته یو لیکه او مسلمانان په یو لاره لیکه اچول او یو خط ورښوده چی داتفاق او یووالی په صورت کی ددی وطن دتعمیرلپاره ددی وطن دابادي لپاره اوپه دی وطن کی دامن دقایمولولياره په دی وطن کی داسلامي نظام دقایمولو لپاره اوپه دی وطن کی دهرمنکر اوهردښمن دمقابلی لپاره دا قوم په قران اوسنت باندی متفق شي او داقوم په قرآن باندی متفق شي اودین باندی یو شي او په افغانستان کی یومضبوط او مستحکم اسلامي قوت تشکیل شي چی دهغی نه هرباطل ،هردښمن او هر استعمار دهغی نه وویریږي دا دوری ددی لپاره موږدایروومحترمو ورونو دنن ورځ موضوع هم دمسلمانانو دوحدت او یوالی ترعنوان لاندی ده.
محترم مولوي صاحب په ټولو حاضرینو باندی غږوکړی چی دمسلمانو دیووالی لپاره باید شپه ورځ کاروکړی او دمسلمانو په وحدت سره داسلام دشمنانو ملاوور ماته کړی دغونډی په پای کی محترم شیخ القرآن دټولو مسلمانانو دوحدت اویووالی لپاره دعا وکړه او داجتماع لومړی ورځ پای ته ورسیده.

دوهمه ورځ
داجتماع دوهم ورځ هم دمعمول په څیردقران کریم په تلاوت سره پیل شوورپسی محترم مولوی صاحب سیف الدین دنبوي احادیثو څخه یو حدیث شریف تشریح کړ ورپسی محترم شیخ القرآن ددوهمی ورځی موضوع چی عنوان یی ووټولنیز ژوند داسلام په رڼا کی دقران کریم په رڼا کی په تفصیل سره تشریح کړه محترم مولوی صاحب دیو مسلمان په حیث په ټولنه کی د ژوند دتیرولو په طریقه باندی بحث وکړاووویل اسلام موږته په ټولنه کی دژوند تیرولو طریقه راښيی که ته پلار،که ته مور،که ته ترور،که ته دکلی ملااو عالم یی،که ته دکلي خان،ملک او یاسپین ږيری يې، ستا څه مسؤلیت دی ورونو اسلام موږته دژوندپه ټولو برخو کی دژوند تیرول طریقه راښيي او که چیرته مو پری عمل وکړ امن به قایم شي مشکلات به مو لری شي.

پدی برخه کی چی اولنی لارښونه الله پاک مو ږته کوي هغه داده چی فرمایی(ایاایهالذین امنو لاتقدمو بین یدی الله ورسوله وتقوا الله ان سمیع علیم ایا دایمان خاوندانوتاسی خپلی فیصل او خپلی پریکړی دالله دهغه درسول په پریکړومقدمی مه ګڼی نو پدی اساس زموږ دټولوپریکړو او فیصلو مصدرباید د الله او دهغه درسول احکامات وی محترم مولوي صاحب په تفصیل سره دژوند تیرولو په ادابو باندی خبره وکړه او دوهم ورځی هم په ټاکلی وخت په دعا سره پای ته ورسیده.

دریمه ورځ
دمحترم مولوی صاحب ددریمی ورځی ددرس موضوع عنوان وودښځی مقام دقرآن په رڼا کی دریمه ورځ دسیمی یو تکړه عالم محترم مولوي صاحب عبدالولي دحدیث شریف درس وکړاوورپسی محترم شیخ القرآن دښځی مقام دقران کریم په رڼا کی په تفصیل سره بیان کړدښځی او خاوندپه حقوقو یی رڼا واچوله او اجتماع مازدیګرپنځه بجی په دعا سره پای ته ورسیده.

څلورمه ورځ
دځلورمی ورځی اجتماع دمحترم قاري صاحب په تلاوت سره پیل شوه ورپسی محترم مولوی صاحب عبدالولی دحدیث درس وړاندی کړاو وربسی محترم مولو صاحب عبدالصبور په ټاکل شوي موضوع چی داولاد سالمه روزنه تربیه وه پوره رڼاواچوله اوويې ویل په اوسنی زمانه کی چی دکومو مشکلاتو سره ټولنه مخامخ ده هغه داده چی دخپل اولاد اخلاقی تربیه مو دقران مطابق نده کړی او د اولاد تربیې ته مو هیڅ توجه نده کړی په پای کی یی په ټولوحاضرینو غږوکړ چی خبل اولادونه په اسلامي اخلاقو سره وروزنی په دینی مجالسو کی دګډوون په لورتشویق کړي.

پنځمه ورځ
داجتماع دپنځمی ورځ موضوع سود او ګروی ووه. داچی زموږ په ټولنه کی دسود او ګروۍ په اړه ځنی وګړی په مشکلاتو کی راګیر دي نو محترم شیخ القران دسوداو ګروۍ موضوع په تفصیل سره وڅیړله داجتماع په پای کی پدی اړه دګډوون والو پوښتنوته جوابونه وویل او غونډه دمحترم ځایی عالم مولوي صاحب سیدجلال په دعا سره پای ته ورسیده.

داجتماع شپږمه اواخري ورځ:
دقران پوهنی داجتماع شپږمه ورځ وه په ټولو ولسونو کی دلویانو اووړونارینه او ښځینه مسلمانانو ترمنځ کورپه کور او کلي په کلی داخبره بدرګه کیدله او تکراریدله چی ټول دی خبروي چی نن ورځ دقران پوهنی دعظیالشان اجتماع اخری ورځ ده ټول بایدپه شوق او زوق سره په اخیری ورځ کی هم ګډوون وکړو.

دجمعی دورځی هر ساعت په تیریدووواو ساعت په ساعت داجتماع وخت رانزدی کیده دماسپښین دوه بجی شوی دسپین غره څخه دراروانو واورینواوبو شرار ساعت په ساعت کمیده او په مقابل کی یی دروداتو اوهسکی مینی په اسلام مینو خویندواو ورونوزړواو ځوانانود راتګ شور او زوږ زیاتیده درې بجی شوی مسجد د نارینه ومسلمانووګړواو دخویندو لپاره ټاکل شوی ځای دخویندو په واسطه ډک شولږه شیبه وروسته یو تنکی ځوان چی حبیب الله نصرت نومیده دستیج مخ ته راوړاندی شوواو دنطاقۍ چاری یی په خپل لاس کی ونیولي او د قاري شفيق الله د رابللو څخه وروسته د قرآن پوهنې دوره په تلاوت سره پيل شوه.

دتلاوت څخه وروسته محترم شیخ القرآن ته بلنه ورکړل شوه محترم مولوي صاحب هم دستیج په لور تشریف راوړاودحمداو ثنا څخه وروسته یی دلااله الاالله په معنی،مقصد اوغوښتنو باندی چی داجتماع داخیری ورځی موضوع وه پيل وکړمحترم مولوی صاحب موضوع په ډیرښه وضاحت سره وڅیړله او دخپلو خبرو په جریان کی یی وویل دلااله الاالله معنی،مقصد څه شي دی داکلمه موږنه څه غواړي ددی کلمی ارکان څه شی دی او ددی کلمی غوښتنی څه شی دي اوداکلمه زموږ په اخلاقو کی،زموږ په عقیده کی ،زموږاخلاقوکي، زموږ په سیاست کی،زموږ په اقتصادی ژوندکی زموږتجارت کی زموږ په روغو او صلحوکی ترجیحاتو او اولاویاتوکیاو زموږپه اهدافو کی څه تغیربرپاکوي چی دوینا نه ییمخکی سړی څنګه وی او دوینا یی ورسته سړی باید څنګه شي نن به په دغه خبره باندی خبره کووالله پاک دی موږتاسی ته پری دعمل کولو توفیق راکړي ورونولااله الا الله دټولونه غټه فریضه ده چی الله پاک په خپلو بنده ګانو باندی فرض کړی ده که دا فریضه څوک ادانه کړي او نورټول فرایض اداکړي اوددنیاټول عملونه اداکړي اوچی لااله الاالله ونه وایی اودلااله الاالله په معنی پوهه نه شي او دلااله الاالله غوښتنی پوره نه کړي یوعمل الله پاک نه قبلوي.

محترم مولوی صاحب دلااله الاالله په غوښتنو تفصیلی بحث وکړاو دخپلو خبروپه یوه برخه کی يې وویل چی ددی کلمی سره به محبت کوی اوڅوک چی داکلمه وایی د هغې سره به هم محبت کوي او څوک چی دکلمې سره دښمني کوي ته به هم ورسره دښمنی کوی.محترم مولوی صاحب دخپلو خبروپه پای کی وویل چی دنیکانو سره ودریږۍ او دبدانودناستی څخه ځان وساتۍ.

دمحترم مولوی صاحب دعالمانه وینا څخه وروسته دجمعیت اصلاح افغانستان دمرکزي شوری ریس محترم استاد نصیراحمد نویدی صاحب خبری وکړې دخپلو خبروپه جریان کی يې دمحترم شیخ القرآن صاحب نه ډیرمننه وکړه او دخیراوروغ صحت لپاره یی ورته دعا وکړه او دجمعیت اصلاح په ټولو دینی او ټولنیزو فعالیتونو باندی مختصره رڼاواچوله او دسیمی په خلکویی غږوکړچی ترشایی ودریږي ترڅوپه تولنه کی مو مثبت بدلون راشي او ټولنه موله موجوده بدبختیو څخه خلاصه شي او زياته يې کړه، چې دجمعیت اصلاح دفعالیت دا لسم کال دی دا لس کاله لږوخت هم دی اوډیر هم دی که دامتونوعمرته وګورونو لږدی خوکه دانسان عمر ته وګورو خوالحمدلله خو داوړکی کار چی په یو دوه اطاقونوکی پیل شوی وونن دافغانستان مختلفو سیموته رسیدلی اودا دهمدی حرکت دمخلصوورونو دکاربرکت دی

دمحترم نویدی دینا څخه وروسته دمسلمانو ځوانانودټولنی (نجم)مشرمحترم دوکتوررحمت الله زاهد صاحب وینا وکړه دهیواد دمسلمانو وګړودتیرجهادقربانی وستایلی اووی وویل زموږ ولسونو چی کومه قربانی ورکړی ده هغه ددی لپاره وچی په افغنستان کی اسلامی حکومت قایم کړي موږبه په دی ټولنه کی مثبت بدلون راولواو دشهیدانو ارمانونه به پورکوه دخبرو په جریان کی یی په ځوانانو غږوکړ چی زموږ ترشاودریږۍ اوخپل ایمانی مس،لیت ترسره کړۍ.

دمحترم دکتور صاحب له وینا څخه وروسته دجمعیت اصلاح دختیځ زون مسؤل محترم استادعبدالرحیم صراف عالمانه وینا وکړه.

وروسته دهسکی مینی او روداتو دجمعیت اصلاح دڅانګی په نماینده ګی سره استاد عبدالله نصرت ته بلنه ورکړل شوه او نوموړي دقرآن پوهنی داجتماع ټولو ګډوون کوونکو څخه مننه وکړه وروسته دسیمی دعلماو او قومي خلکوپه نماینده ګۍ سره محترم مولوي صاحب عزیزالرحمن پښتون دجمعیت اصلاح څخه مننه وکړه او غونډه د محترمشیخ القران مولوي صاحب عبدالصبور په دعاسره پای ته ورسیده.