په جلال آباد کې داختر مبارکۍ پروګرام ترسره شو

راپور: انس فدایی
په ننګرهار کی د جمعیت اصلاح جلال اباد څانګې د تیرو کلونو په څېر یو ځل بیا د کوچني اختر په څلورمه د چهارشنبې په ورځ د اختر مبارکی پروګرام په نظر کی نیولی وو ، د دغې پروګرام د ویاندویې چارې د استاد عبد الوکیل پر مخ بیولی .
پروګرام ماسپښین په ۳ بجې د قاري عبد القدوس په خواږه آواز د قرانکریم په تلاوت سره پیل شو ، بیا د جمعیت اصلاح جلال آباد څانګې په استازیتوب د جلال اباد څانګې د ټولنیزو چارو مسؤول حاجی حکم مشفق د غونډي ګډونوالو ته اختر مبارکي وویله ، استاد وویل چه د دي پروګرام څخه زمونږ موخه دا ده چه په لږ وخت کي د ډیرو ملګرو سره اختر مبارکې وکړو.

حاجی صاحب ګډونوالو ته په خطاب کی وویل چه : زمونږ ټولنه په هره برخه کي بدلون او انقلاب ته اړتیا لری، که هغه زراعت وي ، که اقتصاد وی ، که سیاست وی او که نورې چارې وی .

دا ټولنه زمونږ له ټولی څخه توقع لري چه باید دغه بدلون راولۍ نو پر مونږ لازم دي چی خپلې هڅي لا ګړندۍ کړو ترڅو موخي ته ورسیږو.

د پروګرام دوهم ویناوال د جمعیت اصلاح د مرکزي شوری غړي او د ننګرهار اسلامي پوهنتون استاد مولوی محمد شریف رحماني (په اسلام کي د اخترونو لمانځل او حکمت ) تر عنوان لاندې د پروګرام برخوالو ته مفصله وینا واوروله.

استاد د اختر د تسمیي په اړوند و ویل چه د اختر ته په عربی کي عید وایي او د عید کلمه د عود څخه اخیستل شوی او عود د بیا واپس کیدلو په معنی دی ، نو اختر ته ځکه عید وایې چی د یو ځل په تیریدولو سره بیا را واپس کیږي ، او استاد زیاته کړه چی کوچنی اختر لومړی مالی عبادت دی او بیا بدني عبادت ، کوچني اختر د قرآن د نزول جشن دي ، کوچني اختر د ټولودیرشو رو‌ژه ماتو لوی روژه ماتی دی .

استاد همدا راز و ویل چی یو د نیکو اعمالو ترسره کول دی او بل د نیکو اعمالو قبول دی ، د نیکو اعمالو قبلیدل او ستر بري هغه وخت لاس ته راځي چی مونږ د ایمان سرمایې هغی دنیا ته انتقال کړو، نو څرنګه چی پخوا زمانو کی د سرمایو او تجارتې مالونو انتقال د یو ځای څخه بل ځای ته د لویو قافلو څخه پرته چی په د هغی د ساتنی له پاره به زیات تعداد ساتونکی ګمارل شوی وو امکان نه درلود نو همد شان زمونږ د ایمان د سرمایې انتقال هغی دنیا ته بغیر د یو ټولی او قافلې څخه امکان نلري او اوس مهال دغه ټولی د اسلامي حرکت په نامه یادیږی.

د استاد د وینا څخه وروسته څخه وروسته د پروګرام د برخوالو د ذهنی ستړیا د ختمولو لپاره انجینر خلیل الرحمن عمرزی یو په زړه پوری تفریحی برنامه وړاندی کړه .
د تفریحی برنامی څخه وروسته د (ټولني د اصلاح له پاره ښی لارې چارې او طریقي کومی دی ) تر عنوان لاندی په یو ورکشاپ ګډونوالو په خورا زیاته مینه برخه واخیسته ، او خپل نظرونه او طرحی یې نورو ګدونوالو ته وړاندي کړي.

د پروګرام په وروستئ برخه کښی په افغانستان کی د قران پوهنی د دوری مؤسس شیخ القرآن مولانا صاحب عبد الصبور اختتامیه وینا د پروګرام ګډونوالو ته وړاندي کړه .

مولانا صاحب په خپلو خبرو کی وویل چی څرنګه چه اسلام د انسان لپاره راغلی همدا راز جمعیت اصلاح هم یوه انسانی اوتمدني پروژه ده چی د اسلام په رڼا کښی د انسان خدمت کوي….جمعیت اصلاح د خیر، اتفاق، اود وحدت دعوت نوم دی…. جمعیت اصلاح شجره طیبه ده او مونږ باید دغه ونه خړوبه کړو…. جمعیت اصلاح سیاسي او مذهبي جګړی ختمول غواړی….جمعیت اصلاح د هرچا نیک کار خپل کار ګڼې.

مولانا صاحب زیاته کړه چی مونږ په دی وطن کښی نه د پښتنو، نه د ازبکو، نه د تاجکو او نه دترکمنوطرف یو بلکی ددی طرفونو ختمول غواړو، مونږ نه کومه ډله یو او نه د کومې ډلي لپاره کار کوو….او مونږ نه کوم رهبر ته خلک را بولو….او مونږ نه کومه نوی فتنه یو او نه کوم نوی فکر خلکو ته معرفي کوو، زمونږ دنده دا ده چی خلک په هغه دین پوه کړو کوم چی محمد صلی الله علیه و سلم مونږ ته را ښودلي دی او خلک خیر طرف ته را دعوت کړو.

مولانا صاحب زیاته کړه چی که څوک مقلد وی او یا غیر مقلد هغه زمونږ ورور دی ، زمونږ معیار او محک کتاب الله او سنت رسول دی ، څوک چه دالله کتاب او درسول الله سنت ته ډیر نژدی وی هغه مونږ ته هم نژدي دی او څوک چی د دغی کتاب څخه ډیر لیري وی هغه زمونږ څخه هم ډیر لیری دی.

پروګرام ۵ بجي دامام ابو یوسف عالي دار العلوم مهتمم شیخ القران والحدیث مولانا امین الله ازره وال د دعا وروسته د مازدیګرنې په خوړلو پای ته ورسید.

[nggallery id=64]