د قرغيو جمعيت اصلاح د روژې احکامو او فضايلو په اړوند غونډه وکړه

راپور: انجينر نعمت الله برکت

غونډه د رمضان المبارک د مياشتې په ۲۲مه نيټه د جمعې په ورځ د جمعې له لمانځه وروسته د چارباغ په جامع مسجد کې د قران عظيم الشان په څو مبارکو ايتونو پېل شوه.

ورپسې د هيواد جيد عالم او خوږژبی خطيب، د ننګرهار پوهنتون د شرعياتو پوهنځۍ استاذ پوهندوی مولوي محمد شريف (رحماني) خپله عالمانه وېنا په دوه پړاوونو کې واوروله، لومړی ېې د اسلامي شريعت په رڼا کې په اړونده موضوع وېنا وکړه، د وېنا په دوهمه برخه کې ښاغلي مولوي صاحب د اسلامي نظام په بېلابېلو اړخونو باندې د قران، حديثو او اسلامي فقهې پر مټ رڼا واچوله، او څرګنده يې کړه چې نن خلک اسلام ېواځې د ېو څو عباداتو مجموعه بولي او حال دا چې الله جل جلاله دغه دين د انسان د ژوند لپاره د ېوه بشپړ نظام په توګه رالېږلی، مولوي صاحب زياته کړه د مسلمان نننۍ عقيده، عبادات، اخلاق،سياست او اقتصاد د اسلام څخه ډېر ليرې شويدي او ېوه تغير ته اړتيا لري تر څو دا هر څه بېرته د اسلام سره برابر شي، چې جمعيت اصلاح افغانستان د همدغه تغير لپاره کارکوي.

مولوي صاحب پخپلو وېناوو کې ووېل: جمعيت اصلاح له هر ډول قومي، سمتي او تنظيمي تعصباتو څخه پورته د خپلو هېوادوالو د يووالي، او له دين سره د هغو د تړنې لپاره نه ستړې کېدونکې هلې،ځلې کوي، مونږ ېوداسې افغانستان غواړو چې د کوم پردي هيواد غلام نه وي، د پرديو نظامي هډې په کې شتون ونلري، او د دين رڼا پکې بله وي.

په پای کې محترم مولوي صاحب له ناستو ګډونوالو څخه د جمعيت اصلاح سره د مرستې او منډې تړړې غوښتنه وکړه چې خلکو هم په پوره اخلاص سره ژمنه وکړه. غونډه په دعا سره پای ته ورسېده.

دیادونې وړده چې د غونډې تر پای ته رسېدو وروسته د سيمې علماوو، سپين ږيرو او ځوانانو د مولوي صاحب سره تود روغبړ وکړ او د بيا،بيا راتلو غوښتنه يې و کړه.