په روداتو کی دقران پوهنی شپږورځنی دوره پایی ته ورسیده

راپورلیکونکي: عبدالله نصرت
دلوی الله پاک په فضل سره دروداتو دجمعیت اصلاح دکلنی کاري پلان سره سم دروداتو ولسوالی دکمره داخندزادګانو دکلي په جومات کی دقران پوهنی شپږورځنۍ دوره پیل شو.

ددوری لومړې ورځ
دلومړی ورځی درس دقران کریم سره مینه اومحبت وودقران کریم دتلاوت څخه وروسته دمحترم مولانا نورالله صمیم لخوا درس حدیث وشوددرس حدیث څخه وروسته محترم شیخ القران مولوي محمدشریف رحمانی خپله تیارکړی درس تقدیم کړاوویی ویل موږ دالله په فضل دقران کریم تر سوري لاندی ناست یو دا دالله انتخاب دی چې موږ یې خپل کتاب ته کښینولوپه دنیا کی چی څوک دچا مینه کوي نو خپل څنګ ته یی راولی اوبیا ورته وايي چی ماسره کښینه بیا ورته ښه تحفه ورکوي اوورته وايي چی ماسره ددی څخه ښه تحفه نشته.

دالله چی څوک خوښ شي نوخپل کتاب ته یی کښینوي دلته چی تاسی قران کریم سره مینی ته راغلي اوناست يئ پدی ډیرخوښ شوم. دالله پاک له موږسره محبت دی په قران کریم کی الله پاک دی مطلب ته اشاره کوي اوفرمايی (ومن یؤت الحکمة فقداوتی خیراً کثیرا) چاته چی دقران کریم علم اوعمل ورکړل شونو هغه ته خیرکثیر ورکړل شو.

زما خوږو ورونو او خویندو په دنیا کی خلک خوښۍ تجلیلوي اودخوښیو جشن نیسي کله چی څوک ځوی ته واده کوي……. په هوټلونو او سیمه کی خوشالۍ کوی څوک چی مال وګټی نو هغه بیا خوشالي کوي .خو داټولی خوشالۍ ندی خوشالي الله پاک موږ ته ښودلی ده په قران کریم کی الله پاک فرمایی (قل بفضل الله وبرحمته فبذالک فلیفرحوا هو خیراٌ مما یجمعون) پیغمبره ورته ووایه په ایمان سره اوقرآن کریم سره دې ارومرو دې مومنان خوشاله شي. دخوشالۍ شی ایمان دی دخوشالی شی قران دی .ولو که دټولی دنیا امپراطور وي خو چی ایمان ونه لری دقران کریم سره تعلق ونه لري دابربادانسان دی. اصل کامیابي الله پاک سره په مینه کی ده قرآن کریم سره په مینه کی ده.

محترم مولوی صاحب دخپلو خبروپه اخرکی وویل زما خوږوورونواوخویندو قران کریم خلک سمی لاری ته رابولي دا د انقلاب کتاب دی دا د ازادی کتاب دی دخیرلوری ته دبدلون کتاب دی دا ملت ته خیرراولی نوزه دټولو ورونو اوخویندو څخه تعهداخلم چی قران کریم ته به کښیني قران کریم به زده کوی او په خپل ژوندکی به یی عملي کوي.محترم مولوی صاحب دعا وکړه ددعا خخه وروسته لومړۍ ورځ پای ته ورسیده.

دوهمه ورځ :
ددوهمی ورځی موضوع عنوان(دعبادت فضیلت،اهمیت او برکتونه) وومحترم مولوی صاحب دعبادت په مفهوم تفصیلی رڼا واجوله .

درېيمه ورځ 

دریمه ورځ باندی محترم مولوی صاحب داسلامي کورنۍ جوړښت دقران کریم په رڼا کی وڅیړلو اودولسونو څخه یې غوښتنه وکړه چی خپل ټول ژوند دقران کریم دهدایاتو سره برابر کړي محترم مولوي صاحب داستعمار په دسایسو رڼاواچوله اوویی ویل کفری نړی غواړی چی زموږ کورنی جوړښت راخراب کړي اودبی دینی لوری ته مو واړوي دافغانستان غیرتی ولسونه باید ویښ وی او ددښمن په لومو کی راګیرنشي.

څلورمه ورځ :
ددوری په څلورمه ورځ محترم شیخ القران دګاونډیانو په حقوقو رڼا واچوله او دنبي علیه السلام داحادیثو په رڼاکی یی دګاونډیانو حقوق وڅیړل.

پنځمه ورځ:
دپنځمی ورځی موضوع حجاب اوپرده وه محترم مولوي صاحب دخپلو خبروپه جریان کی وویل دبربنډوالي بیخ اوبنیای داسلام مبارک دین ویستلی دی دښځو اونارینه لپاره یی داسی حدود او قیود مقررکړي چی دهر یو لپاره دداسی احکاماتو پرځان باندی پلی کول اوعملي کول لازم دی دهریو لپاره الله پاک جلا جلا احکام رالیږلی دی.
مولوي صاحب وویل دجاهلیت په دورکی به نارینه و اوښځو دغسل او قضای حاجت پروخت دیو بل په وړاندی دپردی خیال نه ساته همدا ډول دکعبی څخه به یی بربنډ طواف کاوه. ددی ټولو بدبختیو په وړاندی داسلام لومړی سبق تهذیب اولباس وو قرانکریم پدی اړه فرمایلی دي (یا بني آدم لقدانزلنا علیکم لباسآً ) یا دادم بچیه تاسی ته مو لباس رالیږلی دی نو ددی حکم په اساس په هرنارینه او ښځه دبدن پټول فرض دي .نبي علیه السلام پدی اړه فرمایی هغه انسان ملعون دی چی دبل انسان عورت ته ګوري.مولو ي صاحب دخپلو خبرو په یوه برخه کی وویل چی ټول هعه لباسونه چی دهغی څخه بدن ښکاریږي حرام دی باید وانغوستل شي .

شپږمه ورځ:
شپږمه ورځ چی ددوری اخري ورځ وه د درس موضوع دمسلمانانو یوالی ووپدی ورځ باندی ددرس دشروع څخه وړاندی دکمردکلي شا اوخوانارینه اوزنانه نیولی وه اودهرلوری څخه ډلی ډلی خلک دکمرداخونزادګانو دکلي په لورراروان وواوالهی انوارویی شا او مخی ته خپلی وړانګی اچولی وی ددوری ځای ډیرښکلی معلومیده هر څه ښکلی ووه خو یو لوری ته یوټوټه یی بینر ښکاریده چی پری لیکلي وود اصلاح افکارکتابتون ددوری ګډوونوالو ته ښه راغلاست واي.

ترلاندی یی په یو لوی کټ کی دجمعیت اصلاح له لوری چاپ شوی کتابونه اورسالی ايښودل شوی وی اوددوری ګډونووالو په ډیری دلچسپۍ سره دمناسب قیمت په مقابل کی ترلاسه کولۍ بل لوری ته په یو بینر لیکل شوي ووچی دننګرهاراصلاح غږ رادیو خپلو ملمنوته ښه راغلاست واي دی هم ډیره ځلا کوله، په جومات کی دکلي دسپین ږیرو ،ځوانانو اووړوماشومانو په لاس کی پلاستکی سطرنجۍ او فرشونه لیدل کیدل چی په ډیری خوشالی سره یی ددوری دګډوونوالولپاره خپرول لنډه داچی هرڅه ښکلی ښکلی ووخلک وروورو رازیاتیدل او ټول پدی انتظارار ناست ووچی دقران کریم درس واوری .دری بجی شوي اویو تنکی ځوان دسټیج خواته راغی اوپه بسم الله الرحمن الرحیم سره یی خپله خبره داسی پیل کړه قدرمنو حاضرینو تاسی ټولو ته دقران کریم درس دی پرتميني غونډی ته ښه راغلاست وایم اوددی پرتمنی غونډی دپیل کیدو لپاره محترم قاري صاحب عبدالوکیل ته بلنه ورکوم چی دستیج مخی ته تشریف راوړی اود قرآن کریم په تلاوت سره زموږ غونډه پیل کړي پاتی دی نه وی نوموړی ځوان دحصارکمزینی دلیسی ددوولسم ټولګی زده کوونکی حبیب الله نصرت نومیده چی دستیج چاري یی دغونډی ترپای پوری پرمخ بوتلی.

محترم قاری صاحب عبدالواکیل چی الله پاک ورته ډیرښکلی اوآز ورکړی ووتلاوت وکړدتلاوت څخه وروسته محترم شیخ القران صاحب خپل تیارکړی درس تقدیم کړاوټول مسلمانان یی یو والي اووحدت راوبلل د مولوی صاحب ددرس څخه وروسته دنطاق دغوښتنی په اساس زه (دروداتو ولسوالی دجمعیت اصلاح مسؤل عبدالله نصرت) ستیج ته راغلم ماهم په خپل وارسره دروداتو دجمعیت اصلاح په نماینده ګی سره دغونډ ی افتتاحیه وینا وکړه.

وروسته دجمعیت اصلاح افغانستان دځوانانو مسؤل محترم دوکتوررحمت الله زاهد صاحب عالمانه وینا واوروله اودسیمی په ځوانانو یی غږوکړچی دخیراواسلامی دعوت په خپرولو کی دجمعیت اصلاح دپرګرامونو ملاتړوکړي دمحترم دوکتورصاحب له وینا څخه وروسته دجمعیت اصلاح دشرقي زون مسؤل محترم دوکتور نجیب الله صالح صاحب ته نوبت ورسید محترم دوکتورصاحب دحمد اوثنا له ویلو وروسته دکلام الله مجید څخه دیو ایات په لوستلو سره خپله وینا پیل کړه اووویل(انما المؤمن اخوة فاصلحوا بین اخوویکم) اووی ویل تاسی پوهیږی چی دقران پوهنی دغه دوره چی شپږ ورځی یی جریان دلورد ددی درسونوهدف په ولسوونوکی دینی روحیه پیداکول دی دقران سره مینه اومحبت پیداکول دی ددینی نوامیسو اودیني مقدساتو په اړه یو مضبوط حالت رامنځ ته کول چی دهغی نه دفاع وکړي اودهغی سره ملاتړاعلان کړي او په هغی باندی دځان پوهولواحساس ورکی راپیداشي.

محترم استاد دخپلو خبروپه جریان کی وویل ورونو تاسی شاهداوسۍ چی دغه سلسله پروګرامونه چی روان شوی دی داپه افغانستان کی دمختلفو اقشارولپاره دی جمعیت اصلاح کوشش کوی چی هغه عام ولس ته ،علماووته، استادانو ته ،ځوانانو ته ،زنانه ووته او نارینه و ته ددین پیغام عام کړي .دقران کریم پیغام ټول انسانیت لپاره دی .متأسفانه دوخت په تیریدوسره ددین سره دمسلمانانو تړاو یو شکلي تړاو ګرځیدلی په ولس باندی چی کومه استعمارڅپه راغلی ولس یی دتأثیر لاندی راوستی. خوبیا دسره دولس دپاکیزګیۍ لپاره څه معاصری لاری چاری په کارنه دی اچول شوی په همدی خاطر موږګورو چی زموږ اوستاسی ولسونه ددی په ځای چی ددین سره تړاوولري ددین نه لری شوي. نو دهمدی په اساس دا امت په تعلیم یا فته خلکوباندی او تعلیم یافته خلک په ولس باندی څه حقوق لري .دولس حق دادی چی چا ته چی الله پاک تعلیم ورکړی دی هغه باید ولس ددین لوری ته دعوت ورکړی اوپه ولس باندي داحق دی چی هغوی ته ددین دمقاصدو دخپراوي لپاره لاری چاری برابری کړي ،دفاع اوملاتړ تری وکړی او مادی او معنوي مرسته ورسره وکړی.نو په همدی خاطرجمعیت اصلاح دانه غواړي چی مسلمانا ن سره وجنګوی اوداحساساتو څخه یی بده استفاده وکړی.

جمعیت اصلاح دی ته ژمن ده چی موږ دی ولس سره اوسیږو دی ولس سره به یوځای یو او ددی ولس دامکاناتو څخه به استفاده کوواودی ولس ته به دخیر پیغام راوړو اودا اولس به دځان سره یو ځای کوونو په همدی اساس کیدی شي موږ پدی ولس کی نوردیني پرګرامونه ولرودابه دینی روحیه دژوندي کولو په خاطروي.

دصالح صاحب دعالمانه وینا څخه وروسته دروداتو دولسونواوپه خاص ډول دکمردکلي په استاذي توب محترم استاد حسبنالله متوکل صاحب خبری وکړی دجمعیت اصلاح د داډول فعالیتونو څخه یی قدردانی وکړه او اوغِوښتنه یی وکړه چی په ولسونو کی ددینی روحيې دبیا راژوندي کولولپاره داډول فعالیتونه ډیراړین اوضروري دی باید زیات شي.

دمحترم متوکل صاحب دوینا څخه وروسته دجمعیت اصلاح افغانستان دمرکزي شوری ریس محترم استادنصیراحمد نویدی صاحب ته بلنه ورکړل شوه محترم استاد دحمداو ثنا له ویلو وروسته خپله خبره داسی پیل کړه ډیر دخوشالی ځا ی دی چی نن ورځ دننګرهاولایت په یوه لری پرتی سیمه کی په یوی لویي اوپرتمینی غونډه کی شرکت کوم. ورونو زه دجمعیت اصلاح دمرکزی قیادت او دجمعیت اصلاح دورونو سلامونه دیو امانت په ډول تاسی ته وړاندی کوم.

پرون نه بل پرون زه دجمعیت اصلاح دیو وفد سره صرف پدی خاطر راغلم چی په ختیځو ولایاتو کی دفهم قرآن کومی دوری دی کوم چی دجمعیت اصلاح دساحوي څانګو په همکاری پیل شوی شرکت وکړم اوددی ځای ورونوسلامونه مرکزي جمعیت اصلاح ته ورسوم .محترم استاد وویل دقرآن کریم په رابطه زه فکرکوم چی داقبال(رح) هغه شعر چی ډیرمفاهیم له ځان سره لري کافی ګڼم چی وايی:
ګرتو میخواهی مسلمان زیستین——- نیست ممکن جزبه قران زیستن
که موږ اوتاسی غواړو چی دمسلمان په څیر ژوندوکړو نو بغیر دقرآن څخه ژوندممکن ندی.

استادوویل په همدی خاطر ده چی جمعیت اصلاح افغانستان ددیني ټولنی په حیث باندی دقرآن عظیم الشان دعوت اخیستی موږ همدغه دعوت خلکوته رسوو او کوشش موکړی چی لومړی ځان پدی پیغام پوه کړو اوبیا خلکو ته ورسو اوبیا په ګډه پدی باندی عمل وکړو.

استادزیاته کړه محترمو ورونو اوخویندو دادجمعیت اصلاح دپرګرامونو یوه حصه ده چی موږ غواړوپدی ټولنه کی ددین پوهه ډیره شي اودپوهی ترڅنګ پری عمل وکړو.

دجمعیت اصلاح دمرکزي شوری دریس محترم نویدی صاحب له وینا څخه وروسته دجمعیت اصلاح دمرکزي شوری غړي او په افغانستان کی دقرآن پوهنی ددورو موسس محترم مولو ي صاحب عبدالصبور مختصره وینا وکړه او دغه دقران پوهنی شپږورځنی دوره یی په یو اوږده دعا سره چی داسلامي امت دوحدت اویووالي لپاره پکی خاص دعاوکړه پای ته ورسید.

پآتی دی نه وی چی پدی دوره کی په زرګونوورونو اوخویندو برخه اخیستی وه.