وحيد الله مصلح
drwahidm@gmail.com
د تل په څېر دا ځل بيا په ختيز کې جلال اباد ښار د قرآن پوهنې د پرتمينې دورې کوربه وو، نوموړې دوره چې د روان کال د حمل له ۱۲ مې تر ۱۸ مې يې شپږ ورځې دوام وموند، هره ورځ د مازيګر له درې نيمو تر پنځو بجو په کې زمونږ لسګونو زرو هېوادوالو ګډون درلود. د نوموړې دورې درسي ترتيب داسې وو چې لومړی به تلاوت کېده، ورپسې به د جمعيت اصلاح ختيز زون مسئول او د مرکزي شورا غړي استاد دکتور نجيب الله صالح د حديثو درس تقديماوه، او ورپسې به شيخ القرآن مولانا عبدالصبور د قرآن پوهنې د دورې ورځنۍ موضوع تر غور لاندې نيوله.
دا بېساری امتزاج!
په دوره کې د برخوالو ګډون د شمېر، امتزاج او جنس له نظره بېساری وو، د ګرم پسرلني لمر تودوخې ته هره ورځ د لسګونو زرو هېوادوالو راټولېدل زمونږ د هېواد په ديني او تمدني کاري شاليد کې کومه عادي پېښه نه ده. او بيا داسې ګډون چې د ژوند ګڼې طبقې يې په ځان کې رانغښتلې، هلته ديني عالمان او طالبان، د پوهنتونونو او لېسو محصلين او شاګردان، کسب کاران او غريبکاران، غنيان او غريبان، زاړه او ځوانان، لوستي او نالوستي، دا ټول پرته له کوم توپيره د عيدګاه په شنه چاپېريال کې د خپل رب پيغام ته په ډېرې مينې او لېوالتيا ناست وو… هلته ددغسې ګڼ پاړکيز ګډونه وراخوا د مېرمنو پراخه برخه اخېستنه هم ډېره له حوصلو ډکه وه، د مېرمنو دغسې ګډون ددې تضمين ايښوده چې دا ملت د اشغال د پايکوبيزو کلتوري حملو په تل کې بيآ هم خپل ديني اصالت ته په مراتبو ډېر ژمن دی، خو دغسې تضمين بايد تر شا د اسلامي کار يو پرله پسې يون او خواري ولري.
د کتاب خپرولو فرهنګ!
عيدګاه جومات يوازې د قرآن پوهنې دوره نه درلوده، هلته د کتابونو د فرهنګ د عامولو يو علمي چاپېريال هم موجود وو، اصلاح افکار خپرونو خپل چاپ شوي کتابونه ګډون کوونکو ته د ځانګړي تخفيف په مراعت سره وړاندې کړي وو، دغسې نوښت زمونږ نسل د علم او کتاب له فرهنګ سره تړي.
له دې سره په څنګ کې اصلاح پروډکشن دا ځل نوښت کړی وو او د قرآن پوهنې دورې ګډونوالو ته يې د شيخ القرآن مولانا عبدالصبور د هرې ورځې وينا په سي ډيانو او ټيپ کېسټو کې په تازه ډول وړاندې کولې. هلته په زرګونو ټوکه کتابونه، سي ډيانې او کېسټې ګډونوالو تر لاسه او په دې ډول نزدې هر کورته د اسلامي کار ليکلې، او غږيزې بڼې هم په پراخ ډول ننوتې.
بېلګه نظم او خدمت!
د قرآن پوهنې نوموړې دورې يو عجيب نظم درلود، د مېرمنو برخه چې د تجيرونو په واسطه له نارينه و له چاپېرياله په واټن کې پرده شوې وه، تر شاوخوا يې په ګڼ شمېر کې ساتندويان ولاړ وو… په دروازو کې د جمعيت اصلاح ځوانانو چې ځانګړی يونيفارم يې په غاړه وو په پوره درنښت او وقار يې ګډونوال پلټل… سټېج خپل مسئولين درلودل او په ډېر عالي شکل يې له ځمکې دنګ جوړ کړی وو، د سټېج تر شا بينر ښه لوی او په ډېر وړ ډول ځړېدلی وو.. په دوره کې دغو لسګونو زرو ګډونوالو ته د شيخ القرآن د غږ رسولو په موخو د سونډ (غږ) يو ډېر ښه سېستم شتون درلود… د عيدګاه جومات ټول چاپېريال د جمعيت اصلاح د ځوانانو له خوا په خورا دقت پرله پسې پهره کېده، د شپې او ورځې به په نوبتي ډول ډله ډله ځوانانو د پهرې مسئوليت د ايماني وجيبې په توګه ترسره کاوه. او په نهايت کې د قرآن پوهنې دوره د يوه ډېر ښه نظم او خدمت بېلګه وه، خو که ددې ټولو خواريو تر شا د نوموړې دورې د مسئول او جمعيت اصلاح ننګرهار څانګې مشر استاد عبدالرحيم صراف، د جمعيت اصلاح ختيز زون مسئول دکتور نجيب الله صالح، استاد رفيع الله، انجنير شفيق الله زاهد، او نظم او خدمت په کمېسيونونو کې ځای پر ځای شويو غړيو او همکارانو د هڅو يادونه ونه شي نو دغه راپور به نيمګړی وي.
د شيخ القرآن د وينا ځېنې برخې:
په يادو شپږو ورځو کې شيخ القرآن لاندې موضوع ګانې تقديم کړې:
د ايمان غوښتنې، د اسلامي کورنۍ جوړښت، (توبه، ذکر او استغفار)، د ولسونو د زوال لاملونه، تجارانو او شتمنو ته د اسلام پيغام، او بالاخره د اسلام حکومت ځانګړتياوې.
مونږ دلته د بېلګې په توګه د شيخ القرآن د وروستيو دوه موضوګانو مهم ټکي ستاسو مخې ته ږدو:
شيخ القرآن د اسلامي حکومت ځانګړتياوې تر سرليک لاندې موضوع کې وويل چې: دا موضوع په داسې حال کې وړاندې کيږي چې په ټوله نړۍ کې چرته هم اسلامي حکومت نه شته، خو انشاالله هغه وخت رانزدې دی چې په نړۍ کې به اسلامي انقلاب رامنځته کيږي او مسلمانان به سرلوړی او ازاد ژوند غوره کوي.
د بې حکومته اسلام تصور اصلاً په اسلام کې نه شته!
اسلام له حکومت سره راغلی، د بې حکومته اسلام تصور اصلاً په اسلام کې نه شته، يو لک او څلرويشت زره زيات وکم پېغمبران د همدې لپاره راغلي وو چې اسلامي حکومت قايم کړي. مهمه داده چې نوي فيصده اسلامي او قرآني احکام اسلامي نظام پورې تړلي دي. صحابه کرام په دې اهميت پوه وو نو ځکه خو يې د رسول الله صلی الله عليه وسلم له تدفين نه مخکې خليفه غوره کړ.
اسلامي حکومت دېته وايي چې قرآن او سنت يې قوانين او حاکم اعلی يې الله تعالی وي. اسلامي حکومت دېته نه وايي چې يوازې د محاکمو قوانين يې اسلامي وي، بلکې هغه نظام اسلامي دی چې د هغه بانکي، اقتصادي، تعليمي، او تجارتي نظامونه، داخله او خارجه پاليسۍ، د جنګ، روغې، او د حکومت تګلارې او پاليسۍ او هر لوی او وړوکی کاريې د اسلام تابع وي. الله تعالی فرمايي:
إِنَّا أَنزَلْنَا إِلَيْكَ الْكِتَابَ بِالْحَقِّ لِتَحْكُمَ بَيْنَ النَّاسِ بِمَا أَرَاكَ اللَّهُ وَلا تَكُنْ لِلْخَائِنِينَ خَصِيماً (سورة النسا ۱۰۵ ايت)
هر هغه حکومت چې ځانته اسلامي وايي او د اسلام قوانين نه نافذوي هغه اسلامي نه دی، الله تعالی فرمايي:
وَمَا كَانَ لِمُؤْمِنٍ وَلا مُؤْمِنَةٍ إِذَا قَضَى اللَّهُ وَرَسُولُهُ أَمْراً أَنْ يَكُونَ لَهُمْ الْخِيَرَةُ مِنْ أَمْرِهِمْ وَمَنْ يَعْصِ اللَّهَ وَرَسُولَهُ فَقَدْ ضَلَّ ضَلالاً مُبِيناً (سورة الاحزاب، ۳۶ ايت)
د اسلامي حکومت مجلس شورا به د قرآن او سنت پر خلاف قانون نه جوړوي، الله تعالی فرمايي:
قُلْ أَرَأَيْتُمْ مَا أَنْزَلَ اللَّهُ لَكُمْ مِنْ رِزْقٍ فَجَعَلْتُمْ مِنْهُ حَرَاماً وَحَلالاً قُلْ أَاللَّهُ أَذِنَ لَكُمْ أَمْ عَلَى اللَّهِ تَفْتَرُونَ (سورة يونس، ۵۹ ايت)
اسلامي حکومت به شورايي وي، اسلامي حکومت به د اسلامي قوانينو د ماهرينو، د عصري علومو له ماهرينو او د قوم د استازو سره د قوانينو په جوړولو کې مشوره کوي. اسلامي حکومت به د اسلام خلاف قوانين نه جوړوي. په اسلام کې د ديکتاتورۍ حکومت نه شته، الله تعالی فرمايي:
وَشَاوِرْهُمْ فِي الأَمْرِ (سورة ال عمران، ۱۵۹ ايت)
وَأَمْرُهُمْ شُورَى بَيْنَهُمْ وَمِمَّا رَزَقْنَاهُمْ يُنْفِقُونَ (سورة الشوری، ۳۸ ايت)
د اسلامي حکومت مسئوليتونه!
د اسلامي حکومت لومړنی مسئوليت د لمانځه اقامه ده. اسلامي حکومت به مسجدونه جوړوي، امامان او موذنان به ورته نيسي او معاشونه به ورته ټاکي او د لمانځه د اقامې ټول تکميلوونکي کارونه به تر سره کوي.
اسلامي حکومت به شراب بندوي، حضرت عمر رضی الله تعالی عنه هغه دکان سوځولی وو چې په پټه يې شراب خرڅول او همداراز يې هغه کلی هم ړنګ کړ چې شراب به يې جوړول.
اسلامي حکومت به زنا بندوي او د زنا اسباب او محرکات به هم بندوي. اسلامي حکومت به فحش کتابونه، او مجلی چې د ښځو لوڅ عکسونه لري او د تلويزيون فحش خپرونې بندوي.
اسلامي حکومت به خلکو ته د هغوی حقونه ورکوي. اسلامي حکومت به امن قايموي او د اسلامي حکومت چارواکي او کار کوونکي به ظلم نه کوي.
اسلامي حکومت به د مريضانو او وږو خبر اخلي.
مسلمان تاجر او شتمن ته د اسلام پيغام:
ددې موضوع په اړه مولانا صاحب وويل چې:
نبي کريم صلی الله عليه وسلم مال ښه شی ګڼلی، خو هغه مال چې د اسلام، جنت او الله تعالی د رضا لپاره او د خلکو د خدمت لپاره وي. کوم مال کې چې صدقه، زکات، د يتيم، کونډې او غريب حق نه وي او د دين د اشاعت لپاره ترې ګټه وانه خلي نو دا مال بيا د هغه شتمن او تاجر خدای او بوت وي.
مسلمان تاجر به تر هر څه وړاندې پر الله اعتماد کوي. مسلمان تاجر به متقي وي نو الله تعالی به يې په ګټه کې برکت اچوي.
مسلمان ته هيڅ کله نه دي ويل شوي چې په غارونو، جوماتونو او مدرسو کې ننوزئ او تجارت مه کوئ! بلکې ورته ويل شوي چې راووزئ او تجارت وکړئ خو د اسلام په طريقه، مسلمان خو دې ددې لپاره چې د نړۍ اقتصاد او د ژوند نظام سم کړي. مسلمان د تجارت لپاره تشويق شوی دی، الله تعالی فرمايي:
فَإِذَا قُضِيَتْ الصَّلاةُ فَانتَشِرُوا فِي الأَرْضِ وَابْتَغُوا مِنْ فَضْلِ اللَّهِ وَاذْكُرُوا اللَّهَ كَثِيراً لَعَلَّكُمْ تُفْلِحُونَ (سورة الجمعة، ۱۰ ايت)
مسلمان تاجر به احتکار نه کوي، نبي کريم صلی الله عليه وسلم فرمايلي دي چې (والمحتکر ملعون) احتکار کوونکی ملعون دی.
شيخ القرآن د قرآن پوهنې ګډونوالې مېرمنې مخاطبې کړې او ويې ويل چې: ای بيبيانو! آيا تاسو کله له خپلو سړو نه پوښتنه کړې ده چې دا مال مو حلال راوړی او که حرام؟ که تاسو په دې کار کې مرسته وکړئ نو الله تعالی به پرې غټه اصلاح مرتبه کړي.
مسلمان تاجر به له خپل شريک باڼي سره خيانت نه کوي، مسلمان تاجر به غش (د ښو او بدو شيانو ګډول) نه کوي. افسوس چې اوس مهال هغه ډاکټر چې د خپل ملت په روپو، ماليو او ګمرکاتو روزل شوی اوطب يې لوستی، خو هغه له کمپنيو سره خبره کړې او په ترڅ کې يې خپل ملت ته زهر ورکوي په داسې حال کې چې نبي کريم صلی الله عليه وسلم فرمايلي دي: (المکر و الخداء فی النار).
مسلمان تاجر به په تله او پيمانه کې کمی نه کوي، الله تعالی فرمايي:
وَيْلٌ لِلْمُطَفِّفِينَ (1) الَّذِينَ إِذَا اكْتَالُوا عَلَى النَّاسِ يَسْتَوْفُونَ (2) وَإِذَا كَالُوهُمْ أَوْ وَزَنُوهُمْ يُخْسِرُونَ (3) (سورة المطففين)
شتمن خلک به داسې هم نه کوي چې روپۍ او رشوتونه تېر کړي او زمکې او مالونه پرې غصب کړي. الله تعالی فرمايي:
وَلا تَأْكُلُوا أَمْوَالَكُمْ بَيْنَكُمْ بِالْبَاطِلِ وَتُدْلُوا بِهَا إِلَى الْحُكَّامِ لِتَأْكُلُوا فَرِيقاً مِنْ أَمْوَالِ النَّاسِ بِالإِثْمِ وَأَنْتُمْ تَعْلَمُونَ (سورة البقره، ۱۸۸ ايت)
مسلمان تاجران به مشکوک شيان نه واردوي او د اروپايي او غربي لباس تجارت به نه کوي. د فحش سي ډيانو تجارت به نه کوي، او تلويزيوني ډمخانې به نه چلوي. دې کار خو زمونږ ځوانان او پېغلې بحې حيا کړې او ملت يې تباه کړ.
مسلمان تاجر به سود نه کوي. هغه به د خپل ملت سره نرمي او رحم کوي.
مسلمان تاجر به زکات ورکوي، حديث دی چې چا چې د مال زکات ورکړ نو د مال شر يې لاړ. الله تعالی فرمايي:
قَدْ أَفْلَحَ الْمُؤْمِنُونَ (1) الَّذِينَ هُمْ فِي صَلاتِهِمْ خَاشِعُونَ (2) وَالَّذِينَ هُمْ عَنْ اللَّغْوِ مُعْرِضُونَ (3) وَالَّذِينَ هُمْ لِلزَّكَاةِ فَاعِلُونَ (4) (سورة المومنون)
د قران پوهنې وروستۍ ورځ!
وروستۍ ورځ له ډېرو ولولو ډکه وه، تر پايه ګډونوال ډله ډله را روان وو، هر چا کوښښ کاوه چې لږ تر لږه د وروستۍ ورځې په جامع دعا کې شريک شي او ډېرو ګډونوالو خو شيخ القرآن ته شفاهي او ليکلي شکل د خپلو اړتياوو په اړه د دعا غوښتنه کړې وه.
د وروستۍ ورځې درس هم د پخوا په څیر د قرآن عظیم الشان په لوستلو سره پیل شو، لومړی د جمعیت اصلاح ختیز زون مسئول دکتور نجیب الله صالح وینا وکړه او له ټولو ګډونوالو خویندو او وروڼو نه یې مننه وکړه چې د ګرمۍ سره سره یې سره لمرته په ناستې سره د قرآن کریم درس واوریده او د خپل لوړ همت څرګندونه یې وکړه.
دوکتور صالح زیاته کړه: جمعیت اصلاح یو دیني او اسلامي خوځښت ده، هدف یې دا ده چې اسلام زمونږ په فردي، کورني او ټولنیز ژوند کې تطبیق شي، د همدغه هدف لپاره د بیلایلو روا وسایلو نه کار اخلي چې یوه یې هم د قرآن پوهنې دغه لړۍ ده، لدې کار نه مونږ هیڅ کله هم سیاسي یا دنیوي موخې او غرضونه نلرو، بلکې اصلي موخه مو د الله (ج) رضا او د اسلامي شریعت غلبه او برلاسی دی.
د جمعيت اصلاح د مرکزي شورا رئيس وينا!
په وروستۍ ورځ د جمعيت اصلاح د مرکزي شورا رئيس استاد نصير احمد نويدي صاحب ګډونوالو ته وينا وکړه او ويې ويل:
مونږ پرون په کابل کې د جمعيت اصلاح له مرکزي دفتره د يوه وفد په شکل ددې په خاطر راغلي يو چې ددغسې پرتميني قرآني غونډې په اړه تاسو سره ملاتړ، تاييد، او يووالی وښايو. زه په دې توګه د افغانستان له شماله تر جنوبه، له شرقه تر غربه او په هر ځای کې د جمعيت اصلاح د وروڼو سلامونه تاسو ته وړاندې کوم.
استاد نويدي پوښتنه طرحه او بيا يې تشرېح کړه، نوموړي وويل چې: مونږ ولې د قرآن پوهنې په دغسې غټو دورو تاکيد کوو او هر کال يې دايروو؟ په داسې حال کې چې دغه قرآني پيغام له نورو لياره هم تر لاسه کېدای شي.
دا ددې ولس ايماني اراده ښايي او دا چې دا ولس له اسلام او قرآن نه بغير بل هيڅ قانون نه مني. دا د ولسي ارادې مظاهره ده او مونږ غواړو ټولې دنيا ته دا وښايو چې دا ولس له اسلام پرته په بله هيڅ شي نه راضي کېږي او احتياجات يې له اسلام پرته بل نظام نه حل کولای.
بله خبره دا ده چې دا ټولنه بايد د اسلام په رنګ کې رنګ شي، دلته بايد د اسلام خبره اوچته وي او هيڅ قوت بايد ددې جرائت ونه کړي چې پر دې ملت بل کوم شی وتپي. مونږ غواړو چې قرآن اوچت کړو تر څو دا غورځېدلی قوم پرې اوچت شي.
اصلي خبره دا ده چې ددې امت آخر به په هغه څه سميږي چې اول یې پرې جوړ شوی وو. او اول خو یې په قرآني وحي جوړ شوی وو، ځکه خو مونږ هم غواړو چې د قرآن خپرول يو عام فرهنګ او کلتور وګرځيږي.
محترمو ورونو د جمعيت اصلاح د معرفۍ خلاصه په درې ټکو کې کېږي:
لومړی علم: چې مونږ يې د قرآن پوهنې، تفسير، حديثو او سيرت د دورو او همدا راز د خپلو راديوګانو او نشراتو له ليارې خپروو.
دويم دعوت: مونږ خلک اسلام او عظيم خير ته رابلو، مونږ دعوت په حکمت، ترتيب او هغه شکل کوو چې ولسونه پرې نزدې او متفق کړو.
او بالآخره درېم عمل: زمونږ مطلوب عمل دا دی چې د صحيح فهم سره وي تر څو په نتيجه کې يې مونږ فلاح او کاميابۍ ته ورسېږو. لومړی غواړو چې خپله عمل وکړو او نمونه شو او نور هم عمل ته رابولو.
دغه شپږ ورځنۍ قرآني دوره د مازدیګر پنځه بجې شیخ القرآن مولانا عبد الصبور په امامت کې د لمانځه په ادا کولو سره او یوې جامعې ایماني دعا سره پای ته ورسیده.
لنډ راپور يې په لاندې لينک لوستلی شئ
د ننګرهار عیدګاه جومات په چمن کې ستره قرآني دوره پای ته ورسیده
[nggallery id=44]
په دې اړه د پژواک خبري آژانس راپور په لاندې لينک لوستلی شئ
په ننګرهار کې د قران کريم شپږ ورځنۍ دوره پاى ته ورسېده
د ننګرهار د ملي تلويزيون راپور په لاندې ويديو کې کتلی شئ
که پورته ويديو نشئ کتلی له دې ځايه يي ډانلوډ کړئ
37 Comments
قدرت الله جاهد
السلام عليکم ورحمة الله،
محترم ډاکټر صاحب له تفصيلي راپور نه ډېر مننه او الله سبحانه وتعالی دې ستر اجر درکړي. رښتيا هم چې ډېره په زړه پورې دوره وه او خلک ترې ډېر خوښ دي.
الله دې موږ ټولو ته توفيق ورکړي چې په راتلونکي کې هم داسې سترې غونډې وکړو.
مننه
وحيدالله مصلح
ډېره مننه جاهد صاحب
مونږ ټول به دعا کوو چې خپل ولس پر قرآني غونډو مسلسل راټول او متفق وساتو.
عبادالرحمن مهربان
واقعا چی ډیری ښه دوره وه ، ښایسته ورځی وی د خوښیو او ښکلاوو ورځی. د اجرونو او ثوابونو ورځې.
د هغی ورځی په هیله چی ټول ملت ته دقران پیغام ورسیږی او وطنوال مو هم دقران بلنی ته د زړه په مینه لبیک ووایی او دالله په سپيڅلی کتاب سره راټول شی.
عبد الفتاح جواد - اصلاح میدیا ګروپ
ماشاء الله
الله اکبر و لله الحمد
الله اکبر ولله الحمد
الله اکبر و لله الحمد
افضلي
ماشاء الله
الله اکبر و لله الحمد
الله اکبر ولله الحمد
الله اکبر و لله الحمد
محسن امین
د قران وړانګې به نړۍ ځلا کوي ان شاء الله
اکمل
دا راډیوګانې او تلویزیونونه ولې په داسې ورځو کې کاڼه او ړانده وي. د پردي کلتور د کاپۍ لپاره ښه جوړ دي خو د قرآن کریم د غږ د رسولو لپاره یې بیا ملا ماته وي. ما په یوه تلویزیون کې هم د دې غونډې راپور ونه لید. کاشکي مخکې له دې نوراني مجلس له کیفیت څخه خبر وای. ای کاش یوه ورځ مې ګډون پکې کړی وای.
قدرت الله جاهد
حال دا چې ټولو رسنيو ته دعوت هم ورکړل شوی.
ziaurahman
ماشاءالله ، الله اکبر ولله الحمد
یقیناً چی اینده داسلام ده.
خو ای اسلام پالو !
که تاسو سره لاسونه ورنکړی نو آینده به بیا دکفر وی ، راځی چی داسلام دغلبی لپاره سره خپلو کی لاسونه ورکړو او خپل منځي فروعی اختلافات شاته وغورځو ترڅو دراغلی ستر سیلاب مخه په اسلامی ورورولی او ایمان سره ونیسو، همدا مو دکامیابی لار ده اوبس.
داسلام دځلانده راتلونکی په هیله
مننه
فاروق/جلال آباد
نویدی
الله اکبر ولله الحمد
د پروگرام په اره دداکتر صیب مصلح دراپور او دورونو دشکلو تصویرونو سخه هم مننه.
وحيدالله مصلح
محترم استاد
جزاکم الله خيراً، الله تعالی دې مونږ ته په خپله ليار کې استقامت، للهيت، او د مبارزې توفيق راکړي. آمين
اکمل
مصلح صاحب په ګوتو دې برکت شه.
آیا د ګډون کوونکو کره شمیره شته؟
وحيدالله مصلح
اکمل صاحب! مننه، نه داسې کره شمېر خو يې نه شته، خو له تصويرونو يې اندازه اخېستی شئ چې په ځانګړي توګه د وروستۍ ورځ ګډون شمېر بيخي زيات وو.
حمزه مؤمن حکیمی
واقعا منظری مهیب از محبت ملت متدین و حق پرست افغان با قرآن شان در این اجتماع مبارک متجسم شده بود
هر لحظۀ این اجتماع قرآنی تاریخی همانند تصویری بی همتا در صفحۀ خاطراتم ثبت شده است
Hakimullah Abed
Many thanks from Jamiat eslah Nangarhar and the members for organizing such a successful program.May Allah bless upon all who supported the program personally and financially.
Allah de da ustad Saraf au Ustad Salih pa ZWAND KI BARAKAT WACHAWI chee da dasi ster program planning yee karay woo.
AAMEEN
کامران نورزی
مصلح صاحب: میگم بیشکت به این راپور و جمله بندی و الفاظ خطرناک، ذنده خو باشی.
“هلته ددغسې ګڼ پاړکيز ګډونه وراخوا د مېرمنو پراخه برخه اخېستنه هم ډېره له حوصلو ډکه وه، د مېرمنو دغسې ګډون ددې تضمين ايښوده چې دا ملت د اشغال د پايکوبيزو کلتوري حملو په تل کې بيآ هم خپل ديني اصالت ته په مراتبو ډېر ژمن دی، خو دغسې تضمين بايد تر شا د اسلامي کار يو پرله پسې يون او خواري ولري.”
زاهد مير
زما په باور خو دغسې لغت پراني چې د پيچلتيا تر څنګ يوه بلا علمي ستونزې لري، ښه کار نه بريښي. د پاړکيزو له پاره په پښتو کې پرګنې کاريږي. له حوصلو ډکه وه، بايد داسې وی، حوصله ورکوونکې وه. تضمين ايښوده، بايد داسې وی: تضمين ورکاوو. پايکوبيزو کلتوري حملو= ځپونکو فرهنګي يرغلونو. او په همدې ترتيب نور.
وحيدالله مصلح
ډاکټر صاحب زاهد ميره
ستاسو له علمي نيوکو مننه
وحيدالله مصلح
خو يوسپيناوی کوم چې پاړکيز طبقاتي ته وايي پرګنو ته نه… پايکوبيو ته ځپونکي نه وايي بلکه پايکوبۍ د نڅاو د خرمستيو مهذب نوم دی.. فرهنګ او کلتور او حملې او يرغلونه کوم علمي توپيرونه نه لري…
(له حوصلو ډکه وه او حوصلې يې ورکولې) او (تضمين ايښودل او تضمين ورکول) يوازې د ښکلا له مخې توپير لري او په جملو کې هيڅ مانيز تغير نه رامنځته کوي.
چې خپه نه شې نو
مراد
راست میگی نوروزی صیب..مه خو از نوشتن “پارسی سره” دست کشیدم که اول به ایرانی زدگی متهم نشم وباز ای که بیادر های پشتو زبان ما هم از نمشته های مه مستفید شون..اما راستشه بگی مه خو هیچ سرم خلاص نمیشه از نمشته های داکتر مخلص و زمان مزمل …مجبور یک دکشنری مادرن پشتو را هم بخریم :)..
مراد
تصحیح ..داکتر مصلح … 🙂 با عرض پوزش
وحيدالله مصلح
بسيار زياد تشکر مراد صاحب، ولا مه خو هيچ وقت به خود اين حقه نه ميتم که به جناب شما تهمت ايراني بودنه وارد کنم.. به هر صورت در اونجا شايد ديکشينري پيدا نه شود، وقتيکه به کابل امديد خدمت تان انشاالله به حیث ډالۍ تقديم ميکنم. ههههههه
تشکر از تبصره شمام
وحيدالله مصلح
ببخشيند بجای شما (شمام) نوشته شده.
مراد
سپاس از شما جناب داکتر صاحب..و برای اینکه بحث ما را از موضوع اصلی که همایش قرانی در شهر تاریخی جلال اباد است بیرون نکند باز میگردیم به جان مطلب..اگر چه ای پرسش باید متوجه شیوخ دین باشد اما چون در نوشتار شما امده میشود از شما هم بپرسم..ايا لقب ” شيخ القران ” يك درجه ویا رتبه ای علمی است که بعد از طی مراحل علمی معین به یک شخص عطا میگردد ویا اینکه یک لقب مردمی است که علمای که در باب تفسیر قران تخصص می اورند به ان یاد میشوند؟ چون گاهی با ملا بچه های که تازه سند فراغت حاصل کرده اند روبرو میشوم که بعضا یکی دیگر را به نام شیخ القران و شیخ الحدیث به مردم تعارف میکنند ..
روز تان خوش
وحيدالله مصلح
محترم مراد صاحب بسيار زياد تشکر، به فکر من لقب شيخ القرآن کدام رتبه رسمي نيست، بلکه علماء یکه در قرآن کريم داری علم زياد، ويژه و تجربه باشد، مردم و طالب العلمان برايشان لقب شيخ القرآن ميدهند.
البته بايد ياداور شوم که مولانا عبدالصبور صاحب همیش تاکيد ميکند که اور بسيار عادي مثلاً مولوي خطاب کنيم، ولی مان لقب شيخ القرآن را مناسب علميت اونها ميبينم از همين رو ست که جناب مولوي صاحب را شيخ القرآن خطاب ميکنيم.
تشکر
فريبا نوري
از همه اولتر انعقاد چين محفل بزرگ قراني را به دست اندركاران محترم جمعيت اصلاح و مساعدت كنندگان مالي اين برنامه تبريك مي گويم . و از خداوند براي شان پاداش و اجر عظيم آرزو مي كنم
…………..
دوم اينكه : شما گفته ايد كه :
(د اسلامي حکومت لومړنی مسئوليت د لمانځه اقامه ده. اسلامي حکومت به مسجدونه جوړوي، امامان او موذنان به ورته نيسي او معاشونه به ورته ټاکي او د لمانځه د اقامې ټول تکميلوونکي کارونه به تر سره کوي.
اسلامي حکومت به شراب بندوي، حضرت عمر رضی الله تعالی عنه هغه دکان سوځولی وو چې په پټه يې شراب خرڅول او همداراز يې هغه کلی هم ړنګ کړ چې شراب به يې جوړول.
اسلامي حکومت به زنا بندوي او د زنا اسباب او محرکات به هم بندوي. اسلامي حکومت به فحش کتابونه، او مجلی چې د ښځو لوڅ عکسونه لري او د تلويزيون فحش خپرونې بندوي.
اسلامي حکومت به خلکو ته د هغوی حقونه ورکوي. اسلامي حکومت به امن قايموي او د اسلامي حکومت چارواکي او کار کوونکي به ظلم نه کوي.
اسلامي حکومت به د مريضانو او وږو خبر اخلي.)
……………
سوم :
در اين شكي نيست كه موارد فوق لازمي و ضروري است ولي در رابطه با مشكلات بيكاري – فقر اقتصادي – فقر فرهنگي – مشكل افراط گرايي و منطق جزم گرايي و و تامين عدالت اجتماعي و عملي نمودن و تامين حقوق زن و بلاخره در رابطه با خدو خال سياست خارجي حكومت اسلامي – هيچ اشاره صورت نگرفته است .
…………….
چهارم :
اسلام نظام كامل حيات است و حكومت اسلامي وظيفه دارد كه همه مسايل اجتماعي – سياسي – فرهنگي و غيره را تحت پوشش قرار دهد. اگر صرف بالاي مسايل تعبدي فوكس صورت بگيرد و جوانب ديگر زندگي انساني فراموش شود و يا ناديده گرفته شود – آيا حكومت اسلامي به يك اداره كوچك “امر بالمعروف و نهي عن المنكر” تبديل نخواهد گرديد ؟
…………….
پنجم :
بهتر است وقتيكه از حكومت اسلامي صحبت مي شود بايد همه جانبه و در برگيرنده تمام نيازمندي هاي انساني باشد و از حكومت اسلامي تعريف جامع صورت بگيرد. تا مردم حل مشكلات زندگي شان را در آن ببينند
………
مننه و تشكر
وحيدالله مصلح
آغلې فرېبا نوري خورې!
شيخ القرآن خو د اسلامي حکومت د هر اړخيز تمرکز او جامعيت په اړه خبره کړې مثلاً ليکل شوي دي چې:
(اسلامي حکومت دېته وايي چې قرآن او سنت يې قوانين او حاکم اعلی يې الله تعالی وي. اسلامي حکومت دېته نه وايي چې يوازې د محاکمو قوانين يې اسلامي وي، بلکې هغه نظام اسلامي دی چې د هغه بانکي، اقتصادي، تعليمي، او تجارتي نظامونه، داخله او خارجه پاليسۍ، د جنګ، روغې، او د حکومت تګلارې او پاليسۍ او هر لوی او وړوکی کاريې د اسلام تابع وي).
او همداراز دا هم ليکل شوي دي چې:
(اسلامي حکومت به خلکو ته د هغوی حقونه ورکوي. اسلامي حکومت به امن قايموي او د اسلامي حکومت چارواکي او کار کوونکي به ظلم نه کوي.
اسلامي حکومت به د مريضانو او وږو خبر اخلي).
شيخ القرآن په دې ټولو کې ډېر تفصيلي خبرې او مثالونه وړاندې کړي دي خو دلته يوازې مختصر ټکي راخېستل شوي دي*
ستاسو له تبصرې څخه مننه
اکمل
فریبا خورې!
لومړی خو دا چې په اصلاح آنلاین کې ستاسو تبصرې سړي ته حوصله او راتلونکې ته امیدواري وربښي، ځکه د افغانستان د میرمنو له منځه داسې علمي خبرې راپورته کیدل څه عادي خبره نه ده. خو الله دې وکړي چې دا ریښتیا هم د ښځې غږ وي.
———————-
د اسلامي حکومت د ځانګړتیاوو په اړه چې تاسو د مولانا صاحب په خبرو باندې کوم نقد لیکلی دی، زه یې تر یو څه ځایه سم او اړین بولم خو دې خبرې ته ستا پام را اړول غواړم چې دا کوم علمي کنفرانس او یا د کومي تحقیقي مقالې د وړاندې کولو غونډه نه وه، دا یوه دعوتي غونډه وه. داعي تل په دې هڅه کې وي چې هغه څه بیان کړي چې مخاطبین پرې پوه شي او د هغه د اخذ توان ولري. په دې دوره کې ښايي ډیر راغلي کسان په لیک او لوست باندې پوه نه شي او د سن تقاضا یې هم دا نه ده چې دومره تحقیقي خبرې دې ورته وشي.
مولانا صاحب ویدیو مې نن ولیدله په ډیره ساده ژبه سره یې خلکو ته خبرې کولې.
.
رسول الله صلی الله علیه وسلم ډول ډول خلکو ته د اسلام ډول ډول تعریفونه وړاندې کوي. یوه ته وایي چې اسلام دا دی چې نور دې له ژبې او لاس څخه په امن وي. بل ته وایي چې اسلام د لمانځه قایمول دي. ځینو ته وايی چې د لااله الا الله په ویلو سره سړی جنت ته ځي خو ځینو ته وایي چې د مور او پلار سره بدي کوونکی به جنت په سترګو ونه ويني.
او داسې ډیر نور مثالونه
—————–
بله خبره چې زه یې غواړم تا ته یادونه وکړم هغه دا چې هر څوک په استدلال او خبرو کې خپل ذوق او سلیقه لري. ډیر ځله داسې کیږي چې څوک له کوم څه څخه ډیر اغیزمن شوي وي نو د هغه په اړه خبره کوي. او یا دا چې ډیر کله هماغه څه خلکو ته یادوي چې په خپله ډیر ترې ویریدلی وي.
په اصلاح آنلاین کې ستاسو په کابو ټولو تبصرو کې د مذهبي افراط ګرایۍ څخه سر ټکونه شته ده او تل د هغه په اړه د خبرو کولو کوښښ کوئ.
دلته مو هم چې پیشنهاد کړی دی، ښايي د همدې په خاطر به وي چې په افغانستان کې ډیر داسې حکومتونه راغلل چې دا ناروغي یې درلودله. خو بیا هم وایم چې دې ناروغیو ته د هغه چا پام کیږي چې د هغه ژوند یې ګرولی وي.
ښايي ستاسو او مولانا صاحب به ډير داسې څه هیر وي چې ولس ترې په ژړا دی خو د هغه نه یادول په دې معنی نه دي چې اصلاح یې د حکومت دنده نه ده.
فريبا نوري
محترم اكمل صاحب !
…………..
تشكر از پيام تان !
……….
من منحيث يك دختر مسلمان و افغان به جرات و صراحت برايتان گفته ميتوانم كه در صورتيكه فرصت هاي مناسب و مساوي براي دختران و طبقه اناث افغانستان مهيا مي گرديد و يا گردد- بدون شك لياقت و استعداد دختران اگر از پسران زياد نباشد كم هم نيست – من اين موضوع را با سرو چشم در ببين دختران دانشگاهي ام مشاهده مي كنم – ولي افسوس كه امكانات ندارند و حرف دل خود را نظر به عنعنات و رسوم فرسوده اجتماعي گفته نميتوانند. و به انترنت هم دسترسي ندارند
…………..
2- در همين شهر كابل – هستند تعداد كثيري از دختران جوان و با احساس كه ممكن است پوشش مناسب نداشته باشند و مطابق معيار هاي سليقوي و برداشت هاي سنتي در اجتماع ظاهر نشوند ولي در استعداد و فهم و دانش شان نمي شود ترديد داشت. پس نبايد در استعداد دختران افغان شك نمود و آنها را يك قشر بي تفاوت و بي احساس تصور نمود .
…………
سوم :
مخالفت من با افراط گرايي اساس و مبني شرعي و اخلاقي و انساني دارد و آن را منحيث يك نظريه و مرجعيت رد مي كنم – مخالفت من به خاطري نيست كه حكومت مجاهدين و يا امارت طالبان باعث اذيت و ازار ما شده باشند و همين علت مخالفت من مي باشد و يا اينكه جامعه جهاني مخالف افراط گرايي است – پس ما هم رد مي كنيم – افراط گرايي پيش از اينكه خطري براي غرب باشد يك خطر بالقوه بر ضد اسلام و مسلمانان است .
……………
در زمان حكومت مجاهدين فاميل ما در پاكستان بود و در زمان امارت طالبان نيز در همان جا زندگي مي كرديم – در اين جا كدام موضوع شخصي مطرح نيست بلكه دفاع از يك داعيه برحق كه همانا اعتدال و پيروي از خط وسط و امت وسط مي باشد. افراط گرايي را منحيث يك پديده نابكار و منحيث يك نظريه مخالف ارزش هاي اسلامي و انساني رد مي كنيم – كدام دشمني شخصي در ببين نيست. مخالفت با افراط گرايي پديده نيست كه بعد از 11 سپتمبر پيدا شده باشد بلكه مخالفت با آن رييشه تاريخي در تاريخ اسلام دارد
…………
شما فراموش نكنيد كه سايت اصلاح را عده كثيري از مردم و مخصوصا نسل جوان مي خوانند – اگر چنين گفته شود كه در اولويت كاري حكومت اسلامي معاش ملاامامان و موذن ها است – چه فكر مي كنيد كه تصور حكومت اسلامي نزد مردم چگونه ترسيم خواهد شد ؟ در محافل ممكن است اين حرف مناسب باشد ولي در سايت كه همه آن را مي خوانند بايد تصور كامل از حكومت اسلامي پيشكش شود و اولويت هاي بزرگ مد نظر گرفته شود
……………
مننه
حنيف
فرېبا نوري صاحبه!
د مولانا صاحب دغه خبره چې (د اسلامي حکومت لومړنی مسئوليت د لمانځه اقامه ده. اسلامي حکومت به مسجدونه جوړوي، امامان او موذنان به ورته نيسي او معاشونه به ورته ټاکي او د لمانځه د اقامې ټول تکميلوونکي کارونه به تر سره کوي.) د لاندې ايت مصداق دی:
الَّذِينَ إِنْ مَكَّنَّاهُمْ فِي الأَرْضِ أَقَامُوا الصَّلاةَ وَآتَوْا الزَّكَاةَ وَأَمَرُوا بِالْمَعْرُوفِ وَنَهَوْا عَنْ الْمُنْكَرِ وَلِلَّهِ عَاقِبَةُ الأُمُورِ (41)
همایون غفوری
ډیر ګران ورور ډاکټر صیب مصلح
السلام علیکم
اول خو دا چه د اصلاح جمعیت د ډیرو مبارکیو وړ دی الله دې ورته نور هم د دین د خدمت توفیق ورکړي … دوهم دا چه د ننګرهار باتوره خلګ رښتیا چه د دین ، فرهنګ ، علمیت ، جهاد ، په وطن مینه او ډیرو نورو ارزښتناکو ډګرونو کې دا ثابته کړیده چه دوی میړانه خلګ دي .
او ستاسو د رابور جوړولو پهکله به دا ووایم چه پرښتیا چه داسې راپور به بل څوک جوړولی ونشي دا ستاسو حوصله ده .. په قلم دې ، په لاس دې او په حوصله دې برکت شه …
ما چه کله د ډاکټر صیب زاهدمیر تبصره ولوستله نو سمدلاسه مې وغوښتل چه په ځواب کې یې ولیکم خو چه وروسته ستاسو تبصرې ته مې پام شو نو بریک مې ونیو .. ما همدا ورته ویل غوښتل چه د ډآکټر صیب هدف د پایکوبیزو نه د نڅاګانو او د رقاصه ګانو مجلسونه دی …
یو بل معلومات که نور هم اضافه شوی وای چه پدې غونډه کې یا د غونډې په افتتاحیه مجلس کې د ننګرهار والي ښاغلي ګل آغا شیرزي صیب افتخاري شرکت کړی ؤ کنه . ځکه چه هغه هم داسې د پایکوبیزو فرهنګ پهکله ډیر اسلامی معلوماتو ته اړتیا لري …
اباد اوسی ډآکټر صیب
وحيدالله مصلح
محترم غفوري صاحب!
وعليکم السلام ورحمة الله وبرکاته
ستاسو له نظر او تبصرې څخه ډېره زياته مننه، او له دې هم ډېره مننه چې له لېرې وطنونو د جمعيت اصلاح پروګرامونه ستايئ او نظر پرې ورکوئ. دا ټول مونږ د اسلامي اخوت او مينې په محور سره تړلي ساتي.
مننه
Fidamohammadatiey
وهم توجه شورای علما را درمورد خواهانم.
السلام علیکم و رحمة الله.
من درهفتۀ قبل مصاحبۀ جناب دادرس را که به نمایندگی از تحصیلات عالی دریکی از تلویزیون ها صحبت میکرد، درجریان بحث در جواب سوالی شنیدم.
جناب دکتورفرمودند( من که یک ماتریالست هستم تا چیزی را نبینم باور نمی کنم.)
الف: آیا ازلحاظ قانون یک استاد حق این نوع اظهار کفرآمیز را دارد.
ب:آیا هنوز هم با این طرزدید در مقامات علمی کسی وجود دارد که اینطور بیندیشد در حالیکه این بیان کاملا گمراه کننده برای بی خبران و متضاد با علم ودین است.
سوال این است که آیا این هم از مزایای دموکراسی بوده وآزادی بیان است ؟
شما می توانید بحث مکمل او را از تلویزیون مربوطه دریافت ،تجزیه،تحلیل ومستند سازید.من فکرمیکنم که ممکن خواب دیده باشم.زیراکه یک مقام بلند رتبۀ علمی تحصیلات عالی می تواند چنین بیاندیشد ؟
برادران وخواهران !قرآنکریم وحکومت اسلامی دربیان
بالاچه موقف دارد؟ البته در سلسلۀ سوالات خواهر فریبا نوری این را هم بپذیرید.
قابل توجه محترم کشاف صاحب و شورای محترم علمای افغانستان وداعیان الی الله !
جناب دکتورفرمودند( من که یک ماتریالست هستم تا چیزی را نبینم باور نمی کنم.)
داکتر ریښتیانی
وحیدالله وروره !
بی خبرو خبری یواځی دخدای خبری یانی قران دی !
ځنی انډیوالانو ښه او رغوونکی ټکی هم په ګوته کړیږ
په هر لحاظ وروره دژبدود، ادبی اوهنری بلوه دی دنانج ګلان او مرغلری سره پییلی په زړه، ګوتو او ماغزو دی برکت
وحيدالله مصلح
ډېره مننه ريښتياني وروره، ژوندې اوسې.
سیدعلم سدید
الله اکبر و لله الحمد
الله اکبر ولله الحمد
الله اکبر و لله الحمد
دعا کنید درتخار هم چنین پرگرام صورت گیرد
وحيدالله مصلح
السلام عليکم ورحمة الله وبرکاته
پرون مې په ملي اصلاح اونيزه کې د قرآن پوهنې د غونډې راپور (جلال اباد يو ځل بيا د قرآن پوهنې د پرتمينې دورې کوربه وو) وکوت، په دې اړه يو درې ملاحظې لرم:
لومړی: دا چې د قرآن پوهنې په نوموړې دورې کې محترم شيخ القرآن مولانا عبدالصبور صاحب په ټول قوت سره د ډېرې مهمې موضوعګانې مطرح او تقديم کړې وې. خو د ملي اصلاح په راپور کې ترې د مولانا صاحب ټولې خبرې غوڅې شوي… په دې ډول نو د راپور اصلي منځپانګه او هغه څه چې دوره پرې څرخېده له منځه تللې.
دويم: که تاسو نوموړی راپور کټ مټ خپور کړی وای نو څه به شوی وای؟ د وېبپاڼې او اونيزې کتونکي جلا جلا وي، عموماً د ملي اصلاح ډېر کتونکي په ولايتونو کې هغه ورونه او خوېندې دي چې انټرنېټ ته لاسرسی نه لري.
درېم: او بالاخره که غوښتل مو چې راپور مختصر کړئ نو که دغه دنده مو بېرته ماته سپارلی وای نو ما به په کې په داسې شکل اختصار راوړی وای چې د محترم شيخ القرآن ويناو به يې منځپانګه غني ساتلې وای.
په درنښت