په جلال اباد کې د معارف اسلامي لس ورځنی کورس پای ته ورسېد.

راپور: عبدالصبور

د اچې په اوسني وخت کې د ځوانانو د فکري،اخلاقي او نورو مختلفو برخو د تخريب لپاره مختلفې ډلې او مختلف افراد کار کوي او د هغوي د بې لارې کولو او د هغه اساسي هدف چې د هغې لپاره موږ دې نړې ته رالېږل شوي یو چې هغه د اسلام حاکميت دی له هغې څخه د ځوانانو د پام اړولو لپاره په کاربوخت دي او کار کوي پداسې کړکېچونو حالتو کې جمعيت اصلاح افغانستان دهمدغو مختلفو ډلو ټپلو د مبارزې لپاره مېدان ته رادانګلي او غواړي ځوانان خپل اساسي هدف ته ځيرکړي او په اسلامي مفکوره ېې وروزي او دهغوي د بې لاره کولو مخه ونيسي اوخپل مسؤلیتنونه ورته په ګوته کړي.

په همدې خاطر د جمعيت اصلاح ننګرهار د ځوانانو څانګې دروان ۱۳۹۰ هـ ل  کال د دلو د مېاشتې په اوله نېټه د ځوانانو لپاره د هغوي په رخصتېو کې د معارف اسلامي کورس داېر کړ.

معارف اسلامي چې ټاکلی نصاب لري په مختلفو موضوعاتو مشتمل دی لکه.تفسير شريف ،په اسلام کې د عباداتو فقه،اسلام پېژندنه ،اسلامي اداب،اسلامي عقېده،د رسول الله سيرت او د ځوانانو مسولېتونه.
ددې کورس لمړې ورځ ددلو د مېاشتې  په اوله نېټه  دسهار په ۹ بجو د قاري صاحب صفي الله په تلاوت سره پېل شو.

له هرڅه وړاندې جمعيت اصلاح ننګرهار ولاېت  ځوانانومسؤل استاد محمد ګلاب توحيد ېار معارف اسلامي کورس ځوانانو ته وروپېژانده او ددې کورس په اهمېت ېې هر اړخيزه رڼا واچوله.

له دې وروسته جمعيت اصلاح دشرقي زون مسؤل  او د ننګرهار پوهنتون استاد دکتورنجيب الله صالح کورس ته پرانستونکې وېنا وکړه استاد زېاته کړه په داسې کړکېچونو حالتو کې دځوانانو ېو غټ تعداد ټولګی ددې چتر لاندې ګورم ډېر خوشحاله کېږم ځکه زموږ ددې ځوان نسل لپاره له هرې خوا نه د بې لارې سنګرونه خلاص دي تر څو هغوي بې لارې  کړي ولې بېا هم زیات شمېر ځوانان دلته د خپل مسؤليت د پېژندلو لپاره راغلي دي.

ورپسې د معارف اسلامي د ټاکل شوي نصاب سره سم دمضامينو تدريس چې پورته ذکر شوي شروع شو

چې ددې مضامينو دتدريس چارې دجمعيت اصلاح د مختلفو استادانو او عالمانو لخوا پر مخ وړل کېدې لکه. دامام ابو يوسف د دارلعلوم مهتمم شېخ الحديث مولوي صاحب امين الله ازره وال ، دجمعيت اصلاح د مدارسو مسؤل شېخ القران مولوي صاحب عبدالصبور،د جمعيت اصلاح دشرقي زون مسول دکتور نجيب الله صالح،د جمعيت اصلاح د ننګرهار ولايت مسؤل استاد عبدالرحيم صراف،د جمعيت اصلاح د خوګياڼو د څانګې مسؤول او د ننګرهار د پوهنتون استاد پوهندوې نصير احمد محب،د دجمعيت اصلاح د مرکزي شورا غړی اودننګرهارپوهنتون استاد پوهنمل شېرزاد عزيزي،د جمعيت اصلاح د ځوانانو ريس دکتور رحمت الله زاهد،د ننګرهار اصلاح غږ رادېو مديراستاد محمد ګلاب توحيد ېاراو جمعيت اصلاح غړی مولوي صاحب خليل الله سعيد.

ډیره په زړه پورې داوه کله چې دکورس په پنځمه ورځ (پنج شنبه ) ځوانانوته دروژې دنیولو امر وشو ټولوځوانانو چې پکې ډیرتنکي ځوانان هم شامل وه روژه نیولې وه .

پای غونډه:
د معارف اسلامي لس ورځني کورس پای غونډه ددلو د مېاشتې په لسمه نېټه د سهار په ۹ بجو داستاد محمد ګلاب توحيد ېار په وېاندوېې او د قاري صاحب عبدالله په تلاوت سره پېل شوه.

د معمول په شان لمړې دمعارف اسلامې کورس درس د محترم مولوي صاحب عبدالصبور لخوا تدريس شو او ورپسې د جمعيت اصلاح د ځوانانو ريس پای غونډې ته پرانستونکې وېنا وکړه استاد  ووېل هر انسان دې نړې ته د يو هدف لپاره رالېږل شوی خو داچې ځينې انسانان او په خاصه توګه ځوانان ددغه هدف په اړه ډېر بې غوره دي او ېا ترې بلکل هدف ورک دی  او بې هدفه ژوند کوي خو داسې ېو شخص چې بې هدفه ژوند کوي نه د ځان لپاره په ژوندانه کې څه کولای شي او نه د نوره لپاره استاد زېاته کړه جمعيت اصلاح د همدې په خاطر چې وګړي اوپه ځانګړي ډول  ځوانان خپل هدف وپيژني مختلف فعالېتونه کوي چې د هغې د جملې نه يو هم د معارف اسلامي کورس دی چې اوس مهال د هېواد په ګوټ ګوټ کې روان دی لکه.کابل،قندز،هرات،مزار او دادې تاسې وينئ چې په ننګرهار کې هم دغه کورس پاې ته رسيږي نو ځوانانوتاسو څخه مې هم هېله داده چې د خپل ژوند هدف وپېژنې او بې هدفه ژوند مه تېروې.

د غو نډې په اوږدو کې د جميل الباسط د کورس ګډون کونکی ؤ په زړه پورې  مقاله ولوستل شوه چې د ګډون والو لخوا په ډاليو وستاېل شو.همداډول دحذیفه او وړوکي ماشوم عبادالرحمان لخوا په زړه پورې ترانې واورول شوې.

محمد حنيف،ميرزاګل،عبدالاحد،رفېع الله او وحيدالله    دا هغه کسان وو چې د ټولو ګډون والو په استازیتوب  ېې ددې کورس په اړه خپل خاطرات واورول اوزیاته یې کړه چې په دې لږ وخت کې مونږ په خپلوځانونو کې ډیرزیات مثبت بدلونونه ګورو هغوي ووېل چې موږ د جمعيت اصلاح څخه ډېر خوشحاله يو  چې ځوانانو ته داسې پروګرامونه جوړوي او په اېنده کې د نورو پروګرامونو د جوړېدو هېله ترې کوو.
د جمعيت اصلاح د ننګرهار ولاېت مسؤول استاد عبدالرحيم صراف ځوانانو ته په خطاب کې ووېل چې ځوانان نور باېد عبث وخت تېر نه کړي د رسول الله (ص) او صحابو ژوند ځان ته نمونه وګرځوي او خپل هدف په لور دې ګام اوچت کړي.

داچې په دې لس ورځيني کورس کې مختلفې سېالۍ لکه  سيرت، فرهنګي، ذهني، خطابې،شعري او نور مختلفې برنامې لکه تمثلي پارچې،ويديو ګانې وړاندې شوې چې د هغې په برېالېو شاګردانو باندې ډالۍ هم  ووېشل شوې.

استاد شکرالله فداېی په اخر کې ځوانانوته نصحتونه وکړه او دغه لس ورځنې کورس ېې د غرمې په ۱۱:۳۰ بجو په دعا سره  پاې ته ورساوو.
پټه دې پاتې نه وي چې په دغه کورس کې نژدې يو سل او اوېا ۱۷۰ تنه ځوانانو ګډون درلود.