د افغانستان اسلامی فرهنکی مرکز کی د اختر مبارکۍ غونډه وشوه

د جمعې په مبارکه ورځ چې د ۱۳۳۲هـ ق کال د شوال د میاشتې څلورمه او د ۱۳۹۰ هـ ش کال د سنبلې د میاشتې یوولسمې سره برابره وه, د افغانستان اسلامی فرهنګی مرکز په انګړ کې د اختر مبارکۍ پرتمینه غونډه جوړه وه, چې ګڼ شمېر د پوهنتونونو او لیسو استاذانو، علماءو مخورو, محصلینو ، زده کوونکو اوطالب علمانو په کی ګډون کړی وو .
غونډه د ورښت له امله د خپل ټاکلې وخت څخه یو ساعت وروسته د قاری صاحب جانباز  په تلاوت پیل شوه .
وروسته د افغانستان د اسلامی فرهنګی مرکز رئیس قاضی صاحب محمد حسن اسلامی د غونډې برخه والو ته ښه راغلاست ووایه او دمرکز په فعالیتونو او په ځانګړې ډول د رمضان په مبارکه میاشت کې د مرکز په ځانګړو پروګرامونو لکه د رمضان د استقبال کنفرانس، د سیرت او عقایدو دورې، د حفظ او حسن قراءت مسابقې ، اجتماعی افطار او درمضان په وروستۍ شپه (شب بیدارۍ)  یې رڼا واچوله .
د غونډې دوهم ویناوال د قافلې تربیتی مجلی محترم مسوول مدیر شیخ القرآن والحدیث امین الله ازره وال ؤ چې د ( اختر پیغام ) تر سرلیک لاندی موضوع باندى يى هر اړخیزه علمی او تربیتی وینا وکړه او حاضرین یې د اسلام اصیل او درست فهم لوری ته راوبلل.
د غونډی وروستۍ برخې ثقافتی اړخ درلود چې شعرونو او ثقافتی مسابقی ته ځانګړې شوی وه چې شاعرانو په کې خپل شعرونه او ځوانانو ثقافتی پوښتنو ته ځوابونه وویل.
غونډه د غرمی په دولس بجو د HAS مؤسسى مشر قاری صاحب محمد بشیر واصل په دعاء پای ته ورسیده .
یاده دی وی چې به غونډه کې د سټیج چارې محترم ډاکتر عطا‌‌ء الرحمن فطرت پر مخ بیولی چې  په ترڅ کې یی د حاضرینو زړونه په ښکلو شعرونو غوره ویناوو او نبوی مرغلرو تاند ساتل .
د غونډې مشران میلمانه هر یو  د سلام بوهنتون رئیس استاذ شفیق الله امین ، د سلام د پوهنتون استاذ او جمعیت اصلاح د مرکزی شوری غړې دکتورمصباح الله ، د قافلی د مجلی مدیر مسوول  او جمعیت اصلاح د مرکزی شوری غړی شیخ القران والحدیث امین الله ازره وال، او د اصلاح دارالیتام مدیر مولوی صاحب زړور صلاح  وو.
د غونډی برخه وال د مرکز لخوا د برابر شوې چایو او بیکری د صرف کولو نه وروسته به داسی حال کې رخصت شول چې یوبل ته ترغاړی وتل او د اختر مبارکی یی ورته ویله ، پروګرام یې ستایه او د مرکز دمسوولینو نه یې مننه کوله .
پټه دې نه وی چې غونډه کې د اصلاح پیغام  او د جمعیت اصلاح نور نشرات پر برخه والو وویشل شول .