د جمعیت اصلاح دروداتو ساحوي دفتر رحله وکړه

راپور:عبدالله نصرت
د سرطان د مياشتې په اتلسمه نېته د شنبی په ورځ د روداتو د جمعيت  اصلاح ساحوي دفتر لخوا د پلان شوي پروګرام له مخې د ننګرهارولایت ولايت دپچیراواګام ولسوالی دشابیوسیمی  ته رحله ترسره شوه چی درحلی نوم وو (موږاوزموږمسؤلیتونه).

دا تربيتي رحله د محترم استادمولوی عبدالله ناصح  په مشرۍ سهار شپږ بجې له دروداتو ولسوالۍ دحصارک دکلي  څخه پيل شوه او مازدیګرپینځه بجې پای ته ورسېده.
د پروګرام سره سم د رحلې ګډونوال په څلورو سراچه ډوله موټرونو کې له روداتوولسوالۍ  څخه و خوځېدل، دسهار په اته بجو دشابیو سیمی ته ورسید ل درسیدو سره سم درحلی ګډونوالو ورونو ته دپینځه دقیقو لپاره دخپلوضرورتونو درفع کولو لپاره تفریح ورکړل شوه.

دتفریح څخه وروسته دترتیب شوی پلان سره سم دروداتو دجمعیت اصلاح مسؤل عبدالله نصرت درحلی ګډونوالوته درحلی عمومي مسؤل ورمعرفي کړاو د وروڼو څخه یی وغوښتل چی ترپایی پوری په کامل اطاعت سره دمحترم استادعبدالله ناصح سره همکاري کړي له هغی څخه وروسته درحلی عمومی مسؤل ته درحلی ټوله اجنډا وسپارل شوه محترم ناصح صاحب داجنډاسره سم خپل پرګرام پیل کړ.

په لومړی سره کی درحلي دیو ګډوونوال قاری صاحب محمدامین لخوا دقرانکریم یوڅوایاتونه تلاوت شودتلاوت څخه وروسته  درحلی دمسؤل لخوا ګډوون وال په څلوروګروپونو ( حضرت ابوبکر،حضرت عمر،حضرت عثمان اوحضرت علي (رضی الله تعالی عنهم)وویشل شووربسی محترم استادنورالله صمیم درحلی په اهدافو لنډه رڼاواچوله.

داستادصمیم له وینا څخه وروسته ما(عبدالله نصرت )خپل برابرشوی درس چی (داسلامي حرکت سره ځما دتړاو حقیقت) ترعنوان لاندی دکتاب خلاصه وه درحلی ګډونوالوته تقدیم کړه چی دګډونوالولخوا یی ډیردرونداستقبال وشو.

دمحاضری څخه وروسته درحلی ګډون کوونکی  درحلی دفرهنګي چارومسؤل ډاکترجمالدین لخوا په دوه ګروپونو الف اوب  ویشل شو او ترمنځ یی ذهنی مسابقه وشوه دفرهنګی مسابقی څخه وروسته په یوه نیمه بجه دماسپښین لمونځ اداشو او بیادغرمی ډوډی وخوړل شوه.

دغرمي دډوډۍ څخه محترم مولوي صاحب سیف الدین دتنظیمی انظباط په رابطه خبری وکړی وروسته دپروګرام سره سم یو ورکشاپ (په سیمه کی دعوتي کارته ضرورت شته اوکه ضرورت وي نوڅنګه کولای شوی چی تقویه شي )ترعنوان لاندی  پلان شوی وو دایر شو په ورکشاپ کی ټولو ګډوون والو برخه واخیسته اوخپل نظریات یی وړاندی کړل په اتفاق نظرسره ټولوورونو په خپلوسیموکي ددعوتي کارپه ضرورت باندی ټینګاروکړاو ويې ویل چې موږبایددجمعیت اصلاح دپرګرامونواودعوتي کارونوسره په کلکه ملاوتړو ترڅوددی لاری څخه موپه سیمه کی دعوتي کارتقویه اوپرمخ لاړشي.

ورکشاپ په څلوربجی پای ته ورسیداوپه اخره کي محترم مولوی صاحب عبدالحلیم دعاوکړه اوددعاڅخه وروسته ټول ملګري په موټروکی سپاره اودخپلوکورنوپه لورراهی شول.