د ننګرهار په خوږياڼو کې دامريکايې نظامي هډوپه ضدغونډه جوړه شوه

راپور: محمدګلاب توحيديار

داپه نړۍ کې داستعمارګرو عادت وي چې وايې يوڅه اوکوي بل څه،کله چې په ٢٠٠١ م کال امريکايې ښکيلاکګرو زمونږ په هيواد هراړخيز يرغل وکړ، داشعاريې زم زمه کوو چې مونږ دافغانستان دجوړولو اوازادولو لپاره راغلي يو،مګردتيرولسوکلوپه موده کې مو وليدل چې دجوړولو پرځاى ورانولو اوازادولو پرځاى ښکيل کولو او وژلوته راغلي دي.

داځکه دچا موخه چې جوړول وي هغوى له ځان سره انجينران ،ډاکتران ،تراکتور،بيلدوزر  او…راوړي، مګردوى له ځان سره فوځي جنرالان ،عسکر،جنګي الوتکې،ټانکونه اونورجنګي وسائل راوړل،  اوهره ورځ زمونږ په لسګونو بې ګناه ولسي وګړي شهيدانوي ،ټپيانوي اوزندانونوته ليږي ،په حيااوناموس موتيرى کوي اومقدساتوته مو سپکاوى.  اوس ددې شومو اوکرغيړنو موخو اواهدافولپاره غواړي چې دځينو مزدورو کړيوپه  هوکړه زمونږ په هيوادکې دتل لپاره پاتې شي اونظامي ځالې جوړې کړي .
دهيواد په داسې بېړنيو اوبحراني حالاتوکې جمعيت اصلاح دهيواد په ګوټ ګوټ کې ددې نظامي هډو په ضدخپل غږاوچت کړى او ولسونه راويښوي چې دادى  ددې هڅو په لړکې جمعيت اصلاح دخوږياڼو څانګې لازمه وګڼله چې په دې اړه يوه لويه اوپراخه غونډه جوړه کړي ترڅو زمونږ غږ ټولوهيوادوالو اونړيوالوته ورسيږي چې مونږپه خپلواکۍ اوازادۍ مين قوم دچاغلامي نشوزغملاى.
له غونډې يوه ورځ وړاندې دجمعې په مبارکه ورځ دجمعيت اصلاح غړو اوهمکارانو دنوموړې ولسوالۍ په نېژدې ديرش جامع مسجدونوکې پدې اړه خطبې وړاندې کړې  ددايمي هډو زيانونه يې بيان کړه اوخلک يې پدې اړه جوړې شوې غونډې ته دعوت کړه، همداراز دغونډې لپاره ٧٠٠٠  لاسې خبرتياوې هم ويشل شوې وې.
غونډه د ١٣٩٠ هـ ش کال دثور په ١٧ دشنبې ورځ ماسپښين دوه بجې دخوږياڼو دکږې بازارپه جامع جومات کې په داسې حال کې چې ويانديې دجمعيت اصلاح جلا ل اباد څانګې دځوانانو مسؤل محمدګلاب توحيديار کوله دقاري صيب ظاهرشاه لخوا دقرانکريم په څومبارکواياتونو پېل شوه.
ورپسې په خوږياڼوکې دجمعيت اصلاح مرستيال مولوي صاحب اسدالله حقيار دغونډې پرانستې وينا واوروله ،دغونډې ګډونوالوته يې ښه راغلاست ووايه اومننه يې ترې وکړه چې په دومره ګڼ شمېرکې راټول شويدي اوګډون يي کړى.

دائمې هډې موخې اوزيانونه :
دجمعيت اصلاح دننګرهار ولايت مسؤل استادعبدالرحيم صراف دامريکايي هډوپه اهدافو خبرې وکړې ،په نړۍ کې يې داستعمارګروپه تاريخ لنډه رڼاواچوله اوپه زيانونو يې وغږيده استادهمداراز وويل اوس مهال په نړۍ کې له ٨٠٠ زياتې امريکايې هډې شتون لري ،چېرته چې ددوى نظامې ځالې شته دهغه هيوادونو خپلواکي ترپوښتنې لاندې ده،حکومت،ولسي جرګه اونور دولتي اورګانونه دخپلواکۍ په فضاکې فيصلې نشي کولاى ،په طبعي ذخايروخيټې اچوي اودفحاشۍ اوبدلمنۍ خبرې خودومره خطرناکې دي چې نه دويلودي ،نه داوريدلواونه دليدلو.
امريکايي هډې  اوزمونږ مسؤليتونه :
دهيوادجيدعالم دجمعيت اصلاح دمرکزي شوراغړي شېخ القرآن مولوي صيب عبدالصبور دامريکايي هډو په ټولنيزو زيانونو خبرې وکړې .
مولوي صيب وويل دايمې هډې څه چې مونږ ديو ثانيې لپاره هم امريکايې هډې په خپل هيوادکې نشوزغملاى اوزياته يي کړه چې دنړۍ په هيڅ قانون کې داسې نشته چې فوځونه دې دشپې دخلکوپه کور واوړي ماشومان اوزنانه دې وژړوي ،حيااوناموس دې ترپښولاندې کړي،چوراوتالان دې وکړي،څوک دې شهيدان کړي اوڅوک دې له ځان سره په ډېرې بې رحمۍ دزندانه په لور يوسي اوډول،ډول شکنجې اوتکليفونه دې ورکړي داپه داسې حال کې چې همدغه وګړي دورځې هم په ښکاره ګرځي اوان تردې چې ددولت مامورين اومعلمان دي . مګردادامريکايانو ترهګري ده چې داډول پيښوته ادامه ورکوي اوپه ددولتي چوکيوپه رازکې يې هم زياتره داسې خلک په دندو ګمارلي چې غله اوډاکوان دي .
دغونډې په وروستۍ برخه کې دفيض الاسلام مدرسې مهتمم مولوي محمدهاشم حقاني هم دغونډې ګډونوالوته خپله ويناواوروله په هيواد کې يې دايمي نظامي هډې په کلکه وغندلې اودجمعيت اصلاح ددې نېک اوغوره اقدام ستاينه يې وکړه اوزياته يې کړه چې  نورمودصبرکاسه ډکه شويده لاتراوسه موکټونه اوبيسترې دشهيدانو په وينو رنګ دي .
غونډه ددعاء په لوستلوپاى ته ورسيده.
ديادونې وړه ده چې دغونډې په اوږدو کې خوږژبو ترانه ويونکو هريو محمدغوث نوري اوقاري ضياءالرحمن په غبرګواوازونو په زړه پورې ترانه واوروله ،اوهمداډول دغونډې په اوږدو کې دګډونوالو لخوا  دتکبير زم زمې ،مرګ په امريکا اومونږ په خپل هيوادکې امريکايي نظامي هډې نه منو شعارونه پورته کيدل اوټولوګډونوالو دزړه په مينه بدرګه کول.