په کوټ ولسوالۍ کې د دینی او علمی مسابقې ازموینه واخستل شوه

راپور: قاري ميرزمان نايب خيل
دجمعیت اصلاح دختیځ زون ننګرهارولایت کوټ ولسوالۍ ساحوی دفتر لخوا د همدې ولسوالۍ په دریو لیسو (کوټ لیسه ،سیداحمدخیلو لیسه ،لاغرجوی لیسه ) کې 1390/2/16 دجمعې په مبارکه ورځ پداسې حال کې د ديني او علمي مسابقې ازموینه واخستل شوه چې د کلي خلکو دغنمو لو شروع کړې وو او خپل اولادونه یی د دینې جذبې او احساس له کبله د ازموینې د اخستلو ځاې ته رالیږلی و.
داسې فکر کیده چې ګډونوال به کم وی ځکه اکثره خلک مصروف و، ولې دتوقع برخلاف تقریباً تر پنځه سوه (500) کسانو په مسابقه کې برخه اخستې وه.
په ازموینه کې ګډون مفت نه وو د ازموینې ګډون پاڼه (په ازموینه کې داخله ) پنځوس افغانۍ وه .
دازموینې پایله به د جمعې په مبارکه ورځ   1390/2/23  اعلانیږي . دلوړو نمرو لرونکو ته ګڼ شمېر تحفې په نظر کې نيول شوي دي، په تحفو کې ډیجیټل قرانکریمونه ،مبایلونه .کتابونه شامل دی د دغه شیانو داخستلو لپاره  مختلفو خلکو مالي مرستې کړې وې.