د پنج شنبې او جمعې په ورځو چې د۱۳۸۹ لمریز کال د میزان له ۲-۱ نیټې سره برابره وه د جمعیت اصلاح مرکزي شورا په کابل کې د خوشحال مېنې د سید جمال الدین په تالار کې د مرکزي شورا د رئیس استاد نصیر احمد نویدي په ریاست کې غونډه وکړه، د سکرتریت چارې د دوکتور فضل الهادي وزین، عبد الواحد جهید او عبدالفتاح جواد لخوا پرمخ بیول کیدې.
غونډه د پنج شنبې ورځ د سهار اته بجې او دیرش دقیقې د قاري اسد الله ساطع لخوا د قران کریم څو مبارکو آیتونو په لوستلو سره پیل شوه، د جمعیت اصلاح د تربیت او مهارتونو د ودې څانګې مشر استاد محمد یونس ابراهیمي د شورا غړو ته ښه راغلاست ووایه او د غونډې اجندا یې د تصویب لپاره وړاندې کړه.
بیا د جمعیت اصلاح رئیس استاد محمد عاطف د شورا د کار په طرزالعمل او تګلارې وغږید او د شورا په آدابو او اصولو یې رڼا واچوله او غړي یې وهڅول چې د متبادل احترام په فضا کې په ازاده توګه خپل نظرونه وړاندې کړې ځکه چې مرکزي شورا د جمعیت اصلاح په چوکاټ کې د تصمیم نېونې ترټولو لوړ ارګان دی او مونږ له شورا او مشورې پرته یوګام هم نه پورته کوو.
ورپسې استاد صهیب روفي د تیرې شورا پریکړې ولوستلې او د هغو د تطبیق نه یې د شورا غړي ډاډه کړل.
بیا د جمعیت اصلاح د مرکزي شورا رئیس استاد نصیراحمد نویدي وینا وکړه او ویې ویل: د الله جل جلاله نه ډیر منندویه یو چې پر مونږ او تاسې یې دا پیرزوینه وکړه چې د رمضان مبارکه میاشت کې د قرآن کریم په خدمت کې بوخت شو، د هیواد په ګوټ ګوټ کې د جمعیت اصلاح غړي، وروڼه او خویندې د قرآن کریم په دورو ، درسونو او ختمونو کې مصروف وو او دا هڅه یې کوله چې خپل ملت ته د الله جل جلاله پیغام ورسوي.
استاد زیاته کړه: په تیرو شپږو میاشتو کې مونږ د نورو کلونو په څیر ښې لاسته راوړنې لرلې او ډیره مهمه خو یې دا وه چې مونږ په خپل ملت کې د انفاق فی سبیل الله روحیه را ژوندۍ کړه او له دغې لارې مو د دعوتي او اصلاحي برنامو او هڅو لپاره قوي مالي ملاتړ پیدا کړ.
خو ډیره د خوښۍ خبره دا وه چې مونږ کله د جمعیت اصلاح په ټولو غړو غږ وکړ چې د خپل ټاکلي حق العضویت سربیره د جمعیت اصلاح د اصلاحي هڅو د تقویې لپاره انفاق وکړي نو د الله جل جلاله په فضل یې په پوره شهامت سره په خلاص لاس کومک وکړ او داسې بیلګې او مثالونه یې پریښودل چې له توقع نه پورته او بې ساري وو، تردې چې ځینو خویندو د غاړې لاکتونه را واستول او دا هیله یې کوله چې له دې نه یې هم زیات څه لرلی نو نن به یې د الله جل جلاله د دین د اقامې په لار کې لګولي وای، محصلینو وروڼو هم چې د خپل درسي بهیر د پرمخ بیولو لپاره څه نلري په دغه پروسه کې ستره ونډه واخیسته او په مجموع کې ټولو قیادت ته دا ډاډ ورکړ چې انشاء الله د دعوت الی الله په چارو کې به ورسره په هر ډول شرایطو کې اوږه په اوږه ولاړ وي.
د جمعیت اصلاح د نشراتو څانګې مسئول استاد محمد نعیم جلیلي “مونږ او پنځه کلن پلان” ترعنوان لاندې د ورکشاپ مشري وکړه او د نوموړي پلان غوښتنې او د تطبیق لارې چارې یې په ګوته کړې او پدې اړه یې د شورا د غړو نظرونه هم واخیستل.
بیا د جمعیت اصلاح د تربیت څانګې مسئول استاد محمد یونس ابراهیمي د ۱۳۸۹ ل کال په لومړیو شپږو میاشتو کې د فعالیتونو راپور وړاندې کړ او د غړو پوښتنو ته یې ځوابونه وویل چې د شورا د ډاډ وړ وګرځید.
ورپسې د ۱۳۸۸ کال د مصارفو او لګښتونو دمالی ادیت د هیئت مشر دوکتور رفیع الله عطاء خپل راپور وړاندې کړ او د جمعیت اصلاح د عوائدو او لګښتونو د شفافیت په اړه یې دشورا غړو ته پوره ډاډ او اطمینان ورکړ.
د زونونو د فعالیتونو د څرنګوالي او د لاښه کولو په اړه د جمعیت اصلاح د مرکزی زون مسئول استاد عبدالوهاب عابد، د ختیځ زون مسئول دوکتور نجیب الله صالح او د لویدیځ زون مسئول استاد امین الله معتصم ویناوې وکړې او د شورا د غړیو نه یې هم لازم وړاندیزونه واخیستل،همدارنګه قاضي محمد حسن اسلامی په هجرت محیط کې دجمعیت اصلاح دمیشتو غړو په استازیتوب خبرې وکړې او په خپلو فعالیتونو یې رنا واچوله.
په شورا کې د خویندو په استازیتوب استاد سعدیه حفیظ، استاد نفیسه خطیبي او استاد مسعوده جامي الاحمدي هم چې جلا خونه کې ناستې وې برخه لرله چې د بحثونو په ترڅ کې یې خپل ارزښتناک نظرونه وړاندې کړل.
د غونډې په پای کې د مرکزي شورا رئیس استاد نصیر احمد نویدي د شورا غونډه په ټوله کې کامیابه و ارزوله او د غړیو نه یې مننه وکړه چې په ښه بڼه یې نظرونه ورکړل او هغوی ته یې لازمې توصیې هم وکړې، استاد وویل: د جمعیت اصلاح غړي باید په خپلو کارونو کې پوره اخلاص او للهیت پیدا کړي، د ستونزو او مشکلاتو په وړاندې له صبر او ثبات نه کار
واخلي، په حکمت او ځیرکتیا سره پرمخ ولاړ شي او خپل ټول توان د خپلو اصلاحي هدفونو په لاسته راوړلو کې ولګوي او په بې ګټې بحثونو کې ځان بوخت نه کړي ځکه چې مونږ د کار او عمل خلک یو او باید کار مو تر خبرو زیات وي.
غونډه د جمعې په ورځ مازدیګر څلور بجې او دیرش دقیقې د ننګرهار پوهنتون د شرعیاتو پوهنځي استاد مولوي محمد شریف رحماني لخوا د دوعا په لوستلو سره پای ته ورسیده.
9 Comments
طوفان
په شورا کې د خویندو په استازیتوب استاد سعدیه حفیظ، استاد نفیسه خطیبي او استاد مسعوده جامي الاحمدي هم چې جلا خونه کې ناستې وې برخه لرله چې د بحثونو په ترڅ کې یې خپل ارزښتناک نظرونه وړاندې کړل.
Noor
Dear All,
Is there any Islamic center near to Shashaheed for girls to know enroll or make participation at the center, i will be grateful to have this kind of center available at our near locations.
Regards,
Noor
محمد همایون لودین
دجمعیت اصلاح ټولو مخلصو ورونو ته چی هریو یی پدی موفقیت کی پوره ونډه لرله مبارکی وایم او دنورو بریاوو غوښتونکی مویو . ترڅو پوری چی همداسی اخلاص او امانتداری موپه زړونوکی وی کامیاب به یو . الله ستاسو اوزمونږ مل او کومک کونی دی موفق وسی جزاکم الله خیرا
ع-ن-مرستيال كندهار
السلام عليكم ورحمة الله وبركاته!
د جمعيت اصلاح ټول غړو او هم فكرانو ته مباركي وايم چې يو ځل بيا د جمعيت اصلاح مخكښان د شورا له مخې سره غونډ شوي او د امت د اصلاح او خپل اصلاحي او ديني حركت له پاره د راتلونكي پلان په ډېر اخلاص سره تصويب كوي.
ډېر خوښ يم چې جمعيت اصلاح قايدين او مخكښان داسې شعوري او مخلص كسان دي چې هېڅ كار هم بې له مشورې نه ترسره كوي او دا د جمعيت اصلاح تر ټول ستر ښه والى دى.
موږ به تر هغو د جمعيت اصلاح سره يو او خپلې مادي او معنوي ملاتړ به ورسره كوو تر څو چې د جمعيت اصلاح ټول كارونه د شوراى له مخې تر سره كيږي.
د ښځينو غړو په ګډون نور هم خوښ شوم.
په اخر كې د الله تعالى له درباره غواړم چې د جمعيت اصلاح په ټول حركت كې د اخلاص روحيه تل پاتې وساتي، ځكه چې تر ډېر علم لږ عمل بهتر دى او تر ډېر عمل لږ قدر اخلاص بهتر دى. كه هر څومره علم وي او عمل نه وي نو هيڅ دى او چې هر څومره عمل وي او اخلاص نه وي بيا هم هيڅ دى.
الله تعالى مو تل په خپله اصلاحي او حركي كړونو كې كامياب لره.
جزاكم الله خير…
عبداللطيف قدرزی
هلکه طوفانه دا نوم دې بدل کړه، چندان نوم دې نه دی، په اسلام کې د داسې ډول نومونو چې نهيلي کوونکې او منفي معنی لري، اجازه نه شته
طوفان
قدر زیه
ته دې هم نوم بدل کړه
ځکه قدر چې په زیر د قاف سره وي په عربي کې دیګ ته وایي
او زی په پښتو کې د هغه اوبو مشک ته وایي
فردین شاه (افغان)
الله تعالی جمیعت اصلاح را با تمام علمائی عزیزیکه دورش جمع هستند و همه کارمندانش پیروز و کامیاب داشته باشد، و این جمیعت را مایه خلاصی ملت ما از گردابیکه دران غرق هستیم بگرداند انشاالله
sliman
allah de wakri che afghan mellat aw eslami ommat da saleebiano sakha da khlasoon pa niat aw hgha ta da ghash matawoonki zawab lapara sara ra tol shawi wai .
عبدالخالق احسان
در حقيقت جمعيت اصلاح توانسته علماي مخلص و رباني را در يك محور جمع نموده تا ثابت كند كه علماء هم مي توانند با هم متحد شده براي نجات ملت ازين وضعيت ناهنجار تلاش نمايند.