لغمان: دجمعٍت اصلاح لخوا د فارغانو لپاره غونډه

په لغمان کي د 1389 لمريز کال د مرکزي ليسو د ممتازو فارغانو غونډه

راپور: وحید همدرد

د روان کال د جوزا په ( 30 ) نيټه د لغمان ولايت دجمعيت  اصلاح څانګي لخوا د دغه ولايت د مرکزي ليسو ، عالي دارالعلوم او مرکزي دارالحفاظ د ممتازو فارغانو د تقدير ولو غونډه جوړه شوه .

غونډه د ماسپښين په ( 3 ) بجو د نوي مهترلابابا په رسټورانټ کي د قران عظيم الشان په تلاوت سره پيل شوه.دلغمان د جمعيت  اصلاح څانګي مشر مولوي شمس الرحمن ( شمس ) پرانيستونکي وينا وکړه.

ور پسي په ختيځ زون کي د جمعيت  اصلاح مسئول دوکتور نجيب الله ( صالح) فارغو ځوانانو ته په خطاب کي وويل:مونږ ته پکار دي چي ځانونه دټولو مروجه علومو سره اشنا کړو تر څو په هرډګر کي د اسلام د دښمنانو مقابله وکړو او خپل ځان او هيواد د ذ لت د روان حالت څخه را وباسو.

د صالح صاحب له وينا وروسته د جمعيت  اصلاح دمرکزي شورا غړي او د اسلامي مطالعاتو د مرکز مشر ښاغلي دوکتور صفت الله ( قانت ) ځوانانو ته خپله ارزښناکه لنډه وينا وا وروله هغه زياته کړه: که تاريخ ته ځير شو ګورو چي د ټولو علومو پيل له مسلمانانو څخه شوي دي خو د افسوس خبره ده چي مونږ نن هم پرديو ته اړ او محتاج يو ځوانانو ته زما توصيه داده چي خپل تير تاريخ ته په کتني سره خپل له لاسه وتلي وياړ بيا تر لاسه کړي.

د غونډي په پاي کي ( 80 ) تنه فارغو ځوانانو ته هغه تحفي چي د جمعيت  اصلاح د سيمه ايزي څانګي لخوا چمتو شوي وي وويشل شوي .غونډه چي په سل ګونو ځوانانو دلغمان د مرکزي ليسو او تعليمي ادارو مشرانو ، استادانو او دپوهني رياست مشر تابه پلاوي پکي ګډون کړي و د مازديګر په ( 4:30 ) بجو پاي ته ورسيده