ننګرهارکې داختر مبارکۍ پروګرام جوړ شو

په هغه غونډه کې چې له همدې لامله دجمعيت اصلاح د ننګر هار څانګې په سيمه ايز دفتر کې  جوړه شوي وه  په سلګونو علماء کرامو ، استاذانو او نورو په دين مينو  هيوادوالو برخه اخستي وه  دقرانکريم په تلاوت سره پيل شوه. په سرکې دجمعيت اصلاح دننګر هار څانګې مسئول استاد عبدالرحيم صراف راغلوميلمنوته ښه راغلاست ووايه  . وروسته بيا مولوي صاحب عبدالصبور تفصيلي و ينا وکړه او دجمعيت اصلاح په موخو او اهدافو يې رڼا واچوله  اوزياته يې کړه : لومړى مونږ هر قسم قومي ،.ژبني او سمتي تعصبات په کلکه ردوو اوغندويې دوهم داچې مونږ دلوى اسلامي امت جزء يو او ځان  دامت يوه برخه حسابوو او دريم داچې په ټولنه کې مثبت کار او بدلون ته که هغه دحکومت په کچه وي لکه دتعليمي  نصاب لازم او اسلامي بدلون ، دمطبوعاتوسمه څارنه …  او که هغه دفرد اوکورنۍ په کچه وي  لکه دخپلواولادونوپالنه اوروزنه اواسلامي اداروته لېږل سخته اړتيا ده . ورپسې دجمعيت  اصلاح   ختيځ زون مسئول دکتور نجيب الله صالح وينا وکړه او  جمعيت اصلاح په فعاليتونو يې رڼا واچوله .ورپسې دغونډې دګډونوالو په نماينده ګۍ استاد سيدغفو رغفوري وينا وکړه دجمعيت اصلاح فعاليتونه يې وستايل او ددغسې غونډو جوړول يې ضروري وبلل .په اخر کې دغونډې ګن شميرګډونوالو دټولنې په مثبت او اسلامي بدلون کې دمسلمان فرد په رول خبرې وکړې اوخپل نظريات يې څرګند کړل .ديادونې وړ ده چې په غونډه کې محمدګلاب توحيد يار ،. قاري روح الله نجم اوغلام اسحاق جبارخيل او  صديق الله جبارخيل  خپل شعرونه او ترانې ولوستلې چې د ګډونوالو د دروند استقبال سره مخ شول .